Lənkəranda “Palıdlı Sahil” istirahət mərkəzində müqəddəs Ramazan bayramı münasibətilə120 nəfər üçün iftar süfrəsi açılıb. İftar süfrəsi ətrafına toplaşanlar: dindarlar yerlərdəki dini icmaların rəhbərləri, ağsaqqallar milli-mənəvi dəyərlərimizi qoruyan belə tədbirlərin əhəmiyyətindən danışıb, iftar süfrəsini təşkil edənlərə təşəkkürlərini bildiriblər.
Milli Məclisin deputatı Hadi Rəcəbli bu günlərdə şeyx həzrətlərinin açdığı iftar süfrəsində prezident İlham Əliyevin 10 il ardıcıl iştirak etdiyi tədbirdə dövlət-din münasibətlərinin günbəgün güclənməsindən,həyata keçirilmiş mühüm və məqsədyönlü işlərdən danışıb.
H.Rəcəbli daha sonra Lənkəranda bu istiqamətdə aparılan işlərdən, İslam dəyərlərinə hörmət edən insanlar üçün yaradılan şəraitdən söz açıb.
Lənkəran Şəhər İcra Hakimiyyəti başçısının müavini V.Nəsirli iftar süfrəsinə toplaşanları qarşıdakı ramazan bayramı münasibətilə təbrik edib. Şeyxülislamın cənub bölgəsi üzrə səlahiyyətli nümayəndəsi Hacı Sədi Axundzadə qarşıdan gələn Ramazan bayramı münasibəti ilə iştirakçıları ürəkdən təbrik edib. Mərasimdə dini mövzuda söhbətlər aparılıb, dualar oxunub.
Dini icma numayəndələri, yerlərdəki ağsaqqallar şurasının üzvləri, bələdiyyə sədrləri belə tədbirlərin keçirməsindən məmnun olduqlarını bildiriblər. Sonda Məhəmməd peyğəmbərin (s.a.s) həyatından bəhs edən film numayiş etdirilib.
Modern.az
