«RUH» Azərbaycan Jurnalistləri Müdafiə Komitəsi «Jurnalistlərin dostu» mükafatını təqdim edəcək. Təşkilatdan Modern.az-a bildirilib ki, mükafatın laureatının adının müəyyənləşdirilməsi üçün respondentlərə paylanacaq anketlərin hazırlanması prosesi artıq başa çatıb. Tezliklə anketlər təyinatı üzrə təqdim olunacaq.
Anketlər tanınmış qəzet, jurnal, informasiya agentliyi, internet media resursu, jurnalist təşkilatı və media eksperti olmaqla ümumilikdə 100-dək respondentə paylanacaq. Bu prosesin sentyabrın sonunadək yekunlaşdırılması nəzərdə tutulur. Mükafatın təqdimatı oktyabr ayının əvvəlində keçiriləcək və bu barədə cəmiyyətə əlavə məlumat veriləcək.
