5 May 2017, 13:06 | Ana Səhifə - Yazılar - Kəbədə… kəllə atdılar
Kəbədə… kəllə atdılar

Hidayət Elvüsal

 

Deyəndə ki, bunların müsəlmanlığına inanmıram, yəni HƏQİQİ müsəlmanlığına, məni qınayırsız. Gördünüz nə oldu? Kəbədə, müsəlmanların ən mötəbər, ən müqəddəs ziyarətgahında İsmayıl ağa camaatının hacıları ilə başqa bir camaat Eringöyçülər qırğına çıxdılar. Hər tərəfdən 100-150 nəfər. Biri kəllə atdı, biri təpik, biri şillə, biri söydü, biri döydü və hamısı da “Allahı Əkbər!” deyə-deyə.

Həə, Türkiyənin təriqətlərə bölünmüş halı belə. Əlbəttə, bilirdik ki, bəzi nazirlər vaxtilə hansısa cami imamı olub. Madam ki, cümhuriyyəti dinçi dövltlə əvəz etmək həvəsi var, niyə də olmasın? Və bu da məlumdur ki, bir çox təriqətlərin nümayəndələri hökumətdə və dövlət idarələrində mühüm vəzifələr tuturlar. Hərçənd Fətullah Gülən camaatı hələ də o yerlərdən təmizlənməyib, həmin vəzifələri başqa təriqət üzvlərini tutmadığına kim zəmanət verə bilər.

Təriqətlər də maşallah, istədliklərindən də çox.

İsmayıl ağa camaatı.

Nakşibendilər.

Mənzilçilər.

Süleymançılar.

İskəndər paşa camaatı.

Eringöy camaatı.

İslahçılar.

Kırkıncı Hoca və Yazıçılar.

Nurçu qruplar.

Melamilər.

Həqiqətçilər.

Naznəvilər.

İcmalçılar.

Cərrahilər.

Hizbul Təhriz.

Tilloçular

və başqaları.

 

İndi bu dini xəritəyə bir də baxın. Ölkədə İslamın, müsəlmanların necə bölündüyü, hətta Kəbədə belə bir-birlərinin qanlarını içməyə hazır olduqlarını da düşünün. Təhlükənin böyüklüyünü təsəvvür edirsinizmi? Bir baş örtüsünün aylarca, illərcə siyasət predmeti olduğunu da unutmayın.

Heç kəsə sirr deyil ki, Türkiyədə yeni bir rejim qurulur. Açığı bir din dövləti inşa edilir. Cümhuriyyət, onun fəlsəfəsi get-gedə aradan qaldırılır. Hətta əsrlər öncə Metenin kəşfi, islahatı, hərbi böyüklüyü olan onbaşı, yüzbaşı, minbaşı (sonradan bütün dünyanın qəbul etdiyi rütbələr də buna əsaslanır (starşina, leytenant, kapitan, mayor, polkovnik…) da unudulur. Halbuki dünyanın bir sıra hərb məktəblərində bu Türk Ordusu elmi hələ də tədris olunur (Türk Ordusu barədə gələcəkdə söhbət açacağıq).

Bəli, dindən, təriqətlərdən danışdıq. Bu təriqətlərin bəziləri Azərbaycana da ayaq açmışdı və bəlkə hələ də simpatizanları da var. Ölkənin xüsusi xidmət orqanları onların bir çoxunu ifşa etdi. Amma məsələn, nurçular Türkiyədə hələ də güc göstərirlər. Məktəbləri, televiziya kanalları, mətbuat orqanları fəaliyyətdədir. İsmayıl ağa camaatı və Süleymançılar da güclü təriqətlərdir. Bəlkə də yüz minlərlə tərəfdarları, müridləri var. Gülən camaatından boşaldılmış yerləri onlar tutacaqsa, fərq nədir? Axı, toplananların yerini dəyişəndə cəm dəyişməz - nəticə siyasal İslamdır. Başqa bir yorumu, yeri yoxdur.

Təsəvvür edin, bir də deyirik - elə kəndlər var ki, əhalisi iki-üç yerə bölünüb. Hərənin ayrı camisi mövcuddur. Hər inancın cami minbəri ayrı rəngdədir. Ayrımçılığın, bölünmənin, həm də islamçı bölünmənin başqa bir sübutuna gərək varmı?

Hələ bunlar öz yerində. Cindarlar peyda olub. Bəzi TV-lərə də çıxırlar. Çıxırlar və müsəlmanın qadın cinlərlə necə sevişməsini, adaxlıbazlıqlarını izah edirlər. Elə bu yaxınlarda məlum oldu ki, o cinçıxaranların patronu televiziya kanalı açıb. Gic-gic, Şeyx Nəsrullah misalı, dərviş Məstəli şah üsullu bir dələduz. Elə bilirsiniz belələri Azərbaycana ayaq açmayıb. Bəzi TV-lərimizdə heç onlardan görməmisiz? Görmüsünüz. Bir falabaxanı ekranlara çıxaranlar nə düşünmüşlər görəsən? O türk falabaxan da ağzına gələni danışır, gic-gic söhbətlər edirdi. Qayıdıb gedib? İnanmıram!

Bu təriqət missionerlərinin bizim yas məclislərinə də ayaq açdıqlarının şahidi olmuşuq. Əlbəttə, deyəcəksiniz ki, bəs xristian, daha nə bilim nə missionerlərindən niyə danışmırsınız. Danışmışıq, yazmışıq. İndi də bunlardan danışır, bunlardan yazırıq ki, kiminsə cibinə, qəlbinə, evinə, iş yerinə girib, “cin” çıxarmasınlar. Çünki oralarda cin yoxdur. Varsa da özünüz o cinlərlə dil taparıq. Nə isə!

Yadıma o əhvalat düşdü. Türk telekanallarının birində professor çıxış edirdi. Nə dedi, bilirsiniz? Həmin o professor dedi ki, ölkə əhalisinin oxumasına, savadlanmasına yol vermək olmaz. Onlar savadlandıqca, yəni mənim yozumum belədir - ağıllandıqca, ölkə rəhbərliyinə qarşı bəzi etirazlarda bulunacaqlar. Və…

Və çox keçmədən həmin o professoru təhsil sistemində yüksək vəzifəyə təyin etdilər. Bax belə!

Amma təriqətlərə toxunulmur. Hətta əcayib ayinlərinə də bəh-bəh deyilir. Yəqin TV, yaxud sosial mediada, internet portallarında görmüsünüz. Dövrə vurub, uzuun… saçlı bir-ikisini araya alırlar. Əcayib rəqslər başlayır. Onlar da: “Haa! Huu! Haa! Huu!” deyə qorxunc səslər çıxarıb, ehtizaza gəlirlər. “Alimləri” isə belə izah edir:

- Bu çəkic vurma səhnəsidir. “Haa” deyəndə çəkic qalxır. “Huu!” deyəndə zərbə endirir.

Bax, İslamın, təmiz müsəlmanlığın düşdüyü vəziyyət belədir. Madam ki, Kəbədə “Allahu Əkbər!” nidasıyla bir-birlərin qanını içmək istəyirlər, onda Yaxın Şərqdə İŞİD deyilənlərin insanın bağrını yarıb, ciyərini çıxararaq, yemələri elə-belə deyilmiş. İslamı gözdən salmaq üçün elə yollar düşünüb tapırlar ki, Şeytanın belə ağlına gəlməz.

Və madam ki, Şeytanın ağlına gəlməyən işlər özünə müsəlman deyən saxtakarların ağlına gəlir, demək təhlükə sovuşmayıb. Nələr ola biləcəyini heç kəs bilmir. Amma təxminlər var!

Ehtiyatlı olun! Qaniçənlər də “Allahu Əkbər!” deyir…

Ən yaxın keçmişdə Türkiyədə dövlət çevrilinə cəhd göstərənlər məhz bu təriqətlərdən birini - Gülən camaatının müridləri idi.

MÜƏLLİFİN DİGƏR YAZILARI
Türkmən Həkimləri Dərnəyinin sədri İlham Əliyevi təbrik etdi 30 Noyabr 2020, 18:23 Şəhid ailələri və Qarabağ müharibəsi əlillərinə yeni evlər verildi - FOTO 30 Noyabr 2020, 18:14 Azərbaycan Zod qızıl yatağı ilə bağlı araşdırmalara başlayır - RƏSMİ 30 Noyabr 2020, 18:05 İran Qarabağın bərpasında iştirak etməyə hazırdır - Vitse-prezident 30 Noyabr 2020, 17:59 Qəzada ölən tələbələr Covid-19 xəstələrini müalicə edirdilər - TƏBİB 30 Noyabr 2020, 17:53 Paşinyan rusiyalı həmkarı ilə telefonda danışdı 30 Noyabr 2020, 17:47 Banklarda bu günə olan valyuta məzənnələri 30 Noyabr 2020, 17:42 Azərbaycanda koronavirusa yoluxma AZALDI 30 Noyabr 2020, 17:36 Gəncə Şəhər Baş Polis İdarəsinə yeni rəis təyin edildi 30 Noyabr 2020, 17:30 “Oğlum öz şəklinə baxıb dedi ki, bir gün burada şəhid görəcəksən” - Şəhid anası 30 Noyabr 2020, 17:25 Azərbaycanın axtarışa verdiyi jurnalist Laçına gəldi 30 Noyabr 2020, 17:20 FHN-in Laçındakı inzibati binasının lövhəsi hazırdır 30 Noyabr 2020, 17:14 Ermənilər daha bir tarixi məscidimizi tövləyə çevirdi - FOTO 30 Noyabr 2020, 17:09 Laçının yol nişanları hazırlanıb 30 Noyabr 2020, 17:03 Ombudsman beynəlxalq ictimaiyyətə müraciət edib 30 Noyabr 2020, 16:58 İşğaldan azad olunmuş ərazilərə getməyə nə vaxt icazə veriləcək? - AÇIQLAMA 30 Noyabr 2020, 16:53 “Nar”ın 4G istifadəçilərinin sayı 35 % artıb   30 Noyabr 2020, 16:50 Rusiyanın Qafqazda rolu necə olacaq? - ŞƏRH 30 Noyabr 2020, 16:45 “Qəbələ” - “Qarabağ” matçının vaxtı açıqlandı 30 Noyabr 2020, 16:39 YAP Gəncə şəhər təşkilatının gəncləri şəhid ailələrini ziyarət ediblər - FOTO   30 Noyabr 2020, 16:34 Putin də Paşinyandan üz çevirdi – Moskva səfəri ləğv olundu 30 Noyabr 2020, 16:29 Biləsuvarda avtomobil kanala aşdı 30 Noyabr 2020, 16:26 Azərbaycan dövlətçiliyinin islahatlar və zəfər mərhələsi - Ədalət Vəliyevin YAZISI 30 Noyabr 2020, 16:20 Erməni bayrağını erməninin özünə endirtdi - VİDEO 30 Noyabr 2020, 16:16 Atambayev barədə məhkəmə hökmü ləğv edildi 30 Noyabr 2020, 16:11 Deputatın adına saxta profil açıldı   30 Noyabr 2020, 16:07 Sülhməramlılar münaqişə zonasından 600-dən çox cəsəd çıxarıb 30 Noyabr 2020, 16:05 İtaliyanın daha iki bələdiyyəsindən Azərbaycana DƏSTƏK 30 Noyabr 2020, 16:03 Azərbaycanda 8 siyasi partiya sədri vəfat edib 30 Noyabr 2020, 16:00 Şuşa uğrunda şəhid olan müəllim 30 Noyabr 2020, 15:55 Baş Prokurorluq əhaliyə müraciət etdi - VİDEO 30 Noyabr 2020, 15:50 Şuşa türməsində Dilqəm Əsgərovun şeir dəftəri TAPILDI - FOTO 30 Noyabr 2020, 15:45 Gəncədə erməni terroruna qarşı aksiya keçirildi - VİDEO 30 Noyabr 2020, 15:44 Ermənistanın dinc əhaliyə qarşı cinayətlərinin STATİSTİKASI 30 Noyabr 2020, 15:40 Evini tərk edən daha iki nəfər COVİD-19 xəstəsi saxlanıldı 30 Noyabr 2020, 15:37
SORĞU Cəbhə xəbərlərini hansı mənbədən alırsınız?