Fələstin-İsrail münaqişəsinin kəskinləşməsi ilə əlaqədar 500-dən çox Rusiya vətəndaşı Qəzza sektorunu tərk etməyə hazırdır.
Modern.az TASS-a istinadən xəbər verir ki, bu barədə agentliyin müxbir ilə telefon danışığında rusiyalı qadın Yelena əl-Xor məlumat verib.
O, Misirlə sərhəddə yerləşən Rəfah keçid məntəqəsində Qəzza zolağından çıxmağı gözlədiyini qeyd edib.
Xatırladaq ki, Fələstin-İsrail qarşıdurması 7 oktyabrdan başlayıb. İndiyə kimi davam edən toqquşmalarda hər iki tərəfdən minlərlə insan həyatını itirib.
