Azərbaycanın strateji valyuta ehtiyatları mayın 1-nə olan proqnozlara görə, 3,4 faiz və ya 2,9 milyard ABŞ dolları artaraq 87,9 milyard ABŞ dollarına çatıb.
Modern.az xəbər verir ki, bunu faiz dəhlizinin parametrlərinə dair qəbul edilmiş qərarın açıqlanmasına həsr olunan mətbuat konfransında Mərkəzi Bankın İdarə heyətinin sədri Taleh Kazımov bildirib.
O qeyd edib ki, ölkənin strateji valyuta ehtiyatları hazırda 87,9 milyard ABŞ dolları səviyyəsində formalaşıb.
Sədr onu da əlavə edib ki, Azərbaycan Mərkəzi Bankının valyuta ehtiyatları isə 12,7 milyard ABŞ dolları təşkil edib.
