Samux sakini çayda boğulub.
Modern.az Daxili İşlər Nazirliyinə istinadən xəbər verir ki, iyunun 10-da Samux rayonunun Qarayeri qəsəbəsində qəsəbə sakini Kamil İlyasov at arabası ilə Qoşqar çayını keçərkən araba aşıb və o, çaya düşərək boğulub. Meyit sudan çıxarılıb.
Bundan başqa, iyunun 10-da İsmayıllı rayonunun Qaraqaya kəndi ərazisindəki istirahət mərkəzlərindən birində rayon sakini Ramin Muradov oradakı süni göldə çimərkən boğulub.
Hər iki fakt üzrə araşdırma aparılır.
Modern.az