Modern.az

Astaranın ucqar kəndinə işıq çəkilib

Astaranın ucqar kəndinə işıq çəkilib

Aktual

31 Avqust 2017, 23:47

Prezident İlham Əliyevin “İşıqlı Azərbaycan” layihəsi sayəsində Astara rayonunun ucqar Şəvqo kəndində ikiqat bayram yaşanıb. Qurban Bayramı günündə tarix boyu elektrik enerjisi olmayan Şəvqo kəndinə “Azərişıq” ASC tərəfindən işıq verilib. Modern.az xəbər verir ki, bu barədə “Azərişıq” ASC-nin mətbuat xidmətinin rəhbəri Tanrıverdi Mustafayev məlumat verib.

Meşəliyin içində, çaylar, qayalıqlar arasında, bir sözlə ən çətin relyefdə yerləşən bu kəndə texnikadan istifadə etmək mümkün olmadığından əl əməyi ilə şəbəkə qurulub.

Ömrü boyu işığı olmayan 49 yaşayış evinin və ya 250-dən artıq insanın elektrik enerjisi ilə təmin edilməsi üçün 2 km 10 kV-luq və 5 km 0,4 kV-luq məsafədə özünüdaşıyan izolyasiyalı naqillərdən ibarət xətti çəkilib. 1 ədəd 10/0.4 kv –luq 63 kva gücündə transformator məntəqəsi quraşdırılıb. Abonentlərin evlərinə 49 ədəd sayğac qoyulub. “Azərbaycanın hər bir nöqtəsi keyfiyyətli, dayanıqlı və fasiləsiz elektrik enerjisi ilə təmin olunmalıdır” devizi üzərində qurulan “İşıqlı Azərbaycan” layihəsi sayəsində işıqlı günə çıxdıqları üçün kənd sakinləri ölkə başçısına minnətdarlıqlarını ifadə ediblər. “Azərişıq” ASC-nin məsul vəzifəli şəxsləri elektrik enerjisinin qoşulması prosesində iştirak ediblər və kənd sakinləri ilə birgə ilk dəfə evlərin işıqlarını yandırıblar. Şəvqo kəndində qurbanlar kəsilib.

Maraqlıdır ki, ömür boyu elektrik enerjisi olmayan Şəvqo sözünün mənası - şəv “gecə, qo “yeri” deməkdir. Odur ki, artıq “gecəyeri” mənasını verən Şəvqoda gecə də gündüz kimi işıqlı olacaq. “Azərişıq” ASC ölkənin istənilən nöqtəsində məskunlaşan vətəndaşlarımıza xidmək etməkdən qürur duyur.

 

 

Modern.az

Facebook
Dəqiq xəbəri bizdən alın!
Keçid et
Ukraynadan hər kəsi şok edən xəbər: Azərbaycanlı jurnalist vəfat etdi