Azərbaycan milli komandasının bu gündən etibarən Bakıda başlayan təlim-məşq toplanışına daha bir futbolçu dəvət olunub.
AFFA-nın verdiyi xəbərə görə, Almaniyanın «Frayburq» klubunun üzvü Ufuk Budak avqustun 2-dən millinin düşərgəsində hazırlıq prosesində iştirak edəcək.
Qeyd edək ki, milliyyətcə türk olan 1990-cı il təvəllüdlü Ufuk Budak sol cinah müdafiəçisi mövqeyində çıxış edir.
Avqustun 10-da, saat 20:00-da Azərbaycan – Makedoniya beynəlxalq yoldaşlıq oyunu keçiriləcək.
Yoldaşlıq oyunu AccessBank-ın sponsorluğu ilə "İdman Azərbaycan" kanalında canlı yayımlanacaq.
Modern.az