Arxiv
4 Fevral 2019, 08:19 | DİASPOR
Qubadlıdan Amerikaya gedən yol - “Çox uzaqda olsam da, ürəyim Azərbaycanla döyünür”  

Həkimlik müqəddəs peşədir. Onlarla üz-üzə gələndə istər-istəməz ehtiram göstəririk. Bəlkə də, bu ondan irəli gəlir ki, həkimlər Allahla bəndə arasında bir vasitəçi olub, insanlara şəfa verməyi bacarırlar…

Haqqında söhbət açdığım Rauf Şahbazov da həkimdir - sıradan bir həkim yox, yüksək səviyyəli alim, transplantasiyanı dərindən bilən çərrah…

O, 1970-ci ildə Qubadlı rayonunun Tarovlu kəndində dünyaya gəlib. 8-ci sinfi bitirdikdən sonra, Bakıdakı 5 nömrəli Kimya-Biologiya təmaüllü məktəbə üz tutub. 1987-ci ildə orada orta təhsilini qızıl medalla başa vurub. Azərbaycan Tibb Universitetinin Müalicə-profilaktika fakültəsinə qəbul olunub, 1993-cü ildə orada həkim cərrah ixtisasına yiyələnib. 1994-1996-cı illərdə 5 saylı xəstəxanada "Qara ciyər və öd yolları cərrahiyə şöbəsi"ndə ümumi cərrah işləyib. 1996-cı ildə orduya çağrılıb. 1999-cu ilədək N saylı hərbi hissənin səhra hospitalında hərbi cərrah kimi xidmət keçib. Ordudan tərxis olunduqdan sonra 5 saylı xəstəxanaya qayıdıb, 2000-ci ilədək orada işləyib. 2000-2005-ci illərdə Səudiyyə Ərəbistanında Böyük Britaniyanın "Edinburq Kral Cərrahiyə Universiteti"nin "Kral Feysəl klinikası"nda cərrah kimi çalışıb. Burada işləyə-işləyə Şotlandiyaya gedərək, tələb olunan imtahanları verib, "MRCS" cərrahi ixtisas dərəcəsinə yiyələnib. Bu dərəcə ona dünyanın hər yerində cərrah kimi işləmək hüququ verib. 2005-2007-ci illərdə Bakıdakı Xəzər Universitetinin tibb fakultəsində müəllim, dekan müavini vəzifəsində işləyib. Eyni zamanda, Nəsrəddin Tusi adına Klinikada cərrahiyə şöbəsinin müdiri olub…

Sonra qərara gəlib ki, orqan nəqli üzrə ixtisas təlimlərinə başlasın. Bu məqsədlə 2007- 2009-cu illərdə dünya şöhrətli cərrah Mehmet Haberalın rəhbərliyi altında "Ankara Başkənd Universiteti"nin tibb mərkəzində təlimlərdə iştirak edib. 2009-cu ildə vətənə dönərək, "Mərkəzi Neftçilər Xəstəxanası"nda Transplantasiya şöbəsinin yaradıcılarından olub. 2011-ci ilədək orada aparıcı cərrah kimi çalışıb. Burada çalışarkən Portuqaliyanın Porto şəhərində "Fellow European Board of Surgery" ixtisas dərəcəsinə yiyələnib. Sonra bir il Topçubaşov adına Elmi Cərrahiyə Mərkəzində çalışıb. 2012-ci ildən tibb üzrə fəlsəfə doktorudur. (PhD) 


Rauf Şahbazov 2012-ci ildə "Amerika Cərrahlar Cəmiyyəti" tərəfindən ABŞ-a dəvət alıb. 2015-ci ilədək Texas ştatının Dallas şəhərindəki "Baylor Universiteti"nin Tibb Mərkəzində mədəalti vəzin adacıq hüceyrələrinin transplantasiyası sahəsində elmi tədqiqatlarını davam etdirib, bu sahədə mütəxəssis kimi püxtələşib. 2013-2014-cü illərdə "USMLE Step" imtahanlarını uğurla verərək, ABŞ-da həkim işləmək hüququnu qazanıb. 2015-2018-ci ilədək "Virciniya Universiteti"nin Tibb Mərkəzində böyrək və qara ciyər transplantasiyası ilə məşğul olub. 
2018-ci ildən Nyu York ştatının Sirakuz şəhərindəki "Upstate Medical University"da həm müəllim və həm də transplantasiya üzrə cərrah işləyir. Mədəaltı vəz və adacıq hüceyrələri transplantasiyası proqramının rəhbəridir…

…Rəhmətlik atası Oqtay Şahbazov uzun illər Azərbaycan dili və ədəbiyyatı fənnindən dərs deyib.

Rauf həkim ömür-gün yoldaşı Sevda xanım İslamzadəylə birlikdə iki övlad böyüdürlər. Böyük qızı Nigar 10-cu, kiçik qızı Aydan isə 5-ci sinifdə oxuyur. 


…2017-ci ildə "Azərbaycan Amerika Tibb Assosasiyası"nı yaradaraq, ictimai fəaliyyətə başlayıb. Həmin təşkilatın saytı belədir: www.aamamedical.org 

O, bu təşkilata azərbaycanlı həkimlərlə yanaşı, Azərbaycana rəğbəti olan amerikalı həkimləri də cəlb edə bilib.
Vaxtaşırı bir yerə toplaşıb, müzakirələr aparır, faydalı layihələr həyata keçirirlər. Məsələn, Azərbaycan Xalq  Cümhuriyyətininn 100 illiyi münasibəti ilə həvəsləndirici təqaüd təsis ediblər. Həmin təqaüd hər il ABŞ-a tibbi təhsil almağa gəlmək istəyən bir elmli azərbaycanlıya veriləcək... 

Deyir ki, - "Mən Azərbaycandan küsüb gəlməmişəm. Çox uzaqda olsam da ürəyim Azərbaycanla döyünür. Burada bir sıra elmi nailiyyətlərə imza ata bilmişəm, transplantasiyasının sirlərinə mükəmməl yiyələnmişəm. Azərbaycanlı tələbələrə isə tövsiyyəm odur ki, təhsil almaqdan, daha da savadlanmaqdan qorxmasınlar. Yalnız bilik, bacarıq və əzmkarlıqla zirvələri fəth etmək olar"…

…Bu ilin mayında Vaşinqtonda ABŞ və Kanadada yaşayan azərbaycanlı tibb peşəkarlarının konfransını keçirməyi planlaşdırır. Ciddi, bir az da gülərüz olan Rauf Şahbazovun ABŞ-da yaşayan azərbaycanlı təbiblərlə bağlı arzuları böyükdür. İstəyir ki, həkimlərimiz birləşərək böyük uğurlara imza ata bilsinlər. Bu yolda ona uğurlar diləyirik…


Elman Eldaroğlu,
ABŞ, Miçiqan

 

BU KATEQORİYADAN OLAN DİGƏR XƏBƏRLƏR
+ Arxiv
Ali məktəblərə sənəd verən abituriyentlərin sayı AÇIQLANDI 29 May 2020, 10:50 Valideynlər Gömrük Akademiyasına təşəkkür etdilər 29 May 2020, 10:43 Azərbaycan nefti bahalaşdı 29 May 2020, 10:35 Bu rayonlarda peşə tədrisi mərkəzləri açılacaq 29 May 2020, 10:28 Meşədə narkotik becərən Oğuz sakinləri tutuldu 29 May 2020, 10:20 Cümhuriyyət varislərinin iştirakı ilə beynəlxalq videokonfrans keçirilib - FOTO 29 May 2020, 10:13 Azərbaycan Türkiyədən avtomobil idxalını artırıb 29 May 2020, 10:05 Fond bağlanan bankların kreditorlarına yenidən müraciət etdi 29 May 2020, 09:58 Ali məktəbə qəbulda abituriyentlər ixtisas seçimində nələrə diqqət yetirməlidirlər? 29 May 2020, 09:50 Ermənilər atəşkəsi 25 dəfə pozub 29 May 2020, 09:44 DİM müraciət yaydı: bəzi ixtisaslara qabiliyyət imtahanları keçirilməyəcək 29 May 2020, 09:38 Qubada “UAZ” dərəyə aşdı – 1 nəfər öldü 29 May 2020, 09:28 Dünyanın ən yaşlı kişi sakini vəfat etdi 29 May 2020, 09:20 Tramp sosial şəbəkələrin izlənilməsinə dair sərəncam imzaladı 29 May 2020, 09:13 Gəncədə xidməti otaq yandı 29 May 2020, 09:05 Jurnalist Eynulla Fətullayevə ağır itki ÜZ VERDİ 29 May 2020, 08:50 “Koronavirus ən azı 1 il bizimlə olacaq” - Türkiyədən gəlmiş həkimlə MÜSAHİBƏ 29 May 2020, 08:40 “Bəzi məqamlarda çoxarvadlılıq vacibdi” - Şeyxin internetdə olmayan MÜSAHİBƏSİ 29 May 2020, 08:26 Kirovun Bakıdakı manyak sərsəmləməsi - inqilabi-seksual çıxışı 29 May 2020, 08:24 Dünyada koronavirusa yoluxanların sayı 6 milyona yaxınlaşır 29 May 2020, 08:21 Əli Əsədov MDB ölkələrinin baş nazirləri ilə müzakirələr aparacaq 29 May 2020, 06:13 Qlobal Qəzetçilər Şurasından Azərbaycana bayram təbriki - FOTO 29 May 2020, 01:06 Dünyanın ən yaşlı kişi sakini öldü 29 May 2020, 00:51 Bakıda avtomobil 31 yaşlı kişini vurdu 29 May 2020, 00:40 Moskvada koronavirus qurbanlarının sayı artıb 29 May 2020, 00:26 Azərbaycanın Britaniyadakı səfiri AİHM-ə Ramil Səfərovla bağlı cavab verdi 29 May 2020, 00:11 Çili koronavirusa yoluxmalara görə Çini geridə qoydu 29 May 2020, 00:09 Bakıda karantin rejimini pozan kafelər aşkarlandı 28 May 2020, 23:55 İtaliya çempionatı iyunun 20-də bərpa olunacaq 28 May 2020, 23:34 Bu ölkədə COVİD-19 qurbanlarının sayı 27 119-a çatdı 28 May 2020, 23:23 Azərbaycan bayrağı dünyanın ən hündür binasında 28 May 2020, 23:17 Əsəd rejiminə qarşı sanksiyanın müddəti uzadıldı 28 May 2020, 23:10 28 May Azərbaycan qədər Türkiyənin də əziz günüdür - Qənirə Paşayeva 28 May 2020, 22:54 ATƏT PA sədri Milli Məclisin spikeri ilə danışıq aparıb 28 May 2020, 22:49  “Azərbaycan Ordusu istənilən vəzifəni icra edə bilər” - Prezident 28 May 2020, 22:38