Arxiv
5 May 2019, 15:33 | HADİSƏ
Dini liderlərin Bakı sammiti nə vəd edir? - “Belə mötəbər tədbir bəzi qüvvələri qıcıqlandıra bilər

Mulitkultural inteqrasiya hazırkı qloballaşan  dünyamızda siyasətin vacib detalı kimi çıxış edir. Bu baxımdan dinlərin qarşılıqlı dialoquna nail olmaq Azərbaycanda dövlət siyasətinin mühüm tərkib hissəsidir.

Prezident Ilham Əliyevin  imzaladığı “Dünya dini liderlərinin II Bakı sammiti” haqqında sərəncamı Azərbaycanı dünyanın tanınmış dini liderləri arasında səmərəli fikir mübadiləsinin aparılması üçün vacib platformaya çevirəcək.

Sammit Prezident İlham Əliyevin yürütdüyü tolerantlıq siyasətinin dünyaya bir daha bəyan olunması baxımından yaxşı fürsət və Azərbaycanın bu siyasətin dünyada ardıcıl müdafiə edən dövlətə çevirlməsinin subutu sayıla bilər. 

Qafqaz Müsəlmanları İdarəsinin bu mötəbər tədbirin idarəedici statusunda çıxış etməsi şeyxülislam Allahşükür Paşazadənin dinlərarası dialoq və dini tolerantlığın inkişafı sahəsində geniş və çoxcəhətli fəaliyyətinin göstəricisidir.

Noyabrın 14-15-də keçiriləcək “Dünya dini liderlərinin II Bakı sammiti”  2010-cu ildə Bakıda təşkil olunmuş ilk toplantının davamı olacaq və qloballaşan dünyanın aktual problemləri nüfuzlu din xadmləri tərəfindən müzakirəyə çıxarılacaq.  Sammitin digər önəmli tərəfi bir də odur ki,  müxtəlif konfessiyaların nümayəndələri arasındakı baş tutacaq dialoq əhalisinin 96 faizi müsəlman olan ölkəmizi milli-dini dözümlülük etalonu kimi göstərəcək.

Sammitlə bağlı Modern.az-a danışan ictimai-siyasi xadimlər bu nüfuzlu toplantından gözləntiləri bölüşüblər. 



Təhlükəsizlik məsələləri üzrə ekspert Sülhəddin Əkbər
bildirib ki, dünya dini liderlərinin Bakıda bir araya gəlməsini müsbət hadisə sayır:

Dini amilin siyasətdəki rolu əhəmiyyətlidir. Xüsusən də son dövrlərdə bu amil daha qabarıq şəkildə özünü göstərir. Azərbaycan hakimiyyəti, dini dairələri, eləcə də Qafqaz Müsəlmanları İdarəsi bu tədbirə xüsusi şəkildə hazırlaşmalı və ölkəmiz üçün yaranmış bu fürsətdən faydalanmalıdır. Hansı dövlətin dini lideri gələcəksə, yəqin ki, təmsil etdiyi ölkənin mətbuatı bu tədbiri yaxından izləyəcək. Bu da Azərbaycanın mövqeynin beynəlxalq mətbuatda işıqlandırılması üçün yaxşı fürsətdir".

Onun sözlərinə görə, ölkəmizin ev sahibliyi edəcəyi bu tip beynəlxalq tədbirlər Azərbaycan üçün həm də öz problemlərini bir daha dilə gətirmək və ayrı-ayrı məsələlərlə bağlı yanaşmasını ortaya qoymaq baxımından əhəmiyyətlidir:

"Bu tədbir Qarabağ problemini növbəti dəfə qaldırmaq üçün bir fürsətdir. Ərazisinin bir hissəsi işğal altında olan ölkədə beynəlxalq tədbirin təşkili müsbət hadisədir. Bizə öz problemlərimizi və ayrı-ayrı məsələlərlə bağlı yanaşmamızı dünyaya çatdırmağa əlavə bir imkan yaradır”.

 

Təhlükəsizlik məsələləri üzrə ekspert, ehtiyatda olan polkovnik İlham İsmayıl məlum sammitin keçirilməsini Azərbaycana divident gətirən təşəbbüs kimi qiymətləndirir:

"Belə bir tədbirin keçirilməsini olduqca müsbət dəyərləndirirəm. Bu, imicimizə müsbət təsir edən, Azərbaycana divident gətirən təşəbbüsdür. Biz hər zaman tolerantlığımızla öyünürük və dünya dini liderləri Azərbaycana gəlməklə özləri bunun şahidi olacaqlar. Çünki tolerantlıq hər ölkədə olmur.

Bu sammtin keçirilməsi Azərbaycanın milli və dini təhlükəsizliyi baxımından da faydalıdır. Hamı bir daha şahid olacaq ki, Azərbaycanda dinlərarası münasibət normaldır”.


İ.İsmayılın sözlərinə görə, belə bir mötəbər tədbirin Bakıda keçirilməsi bəzi ölkələri və qüvvələri qıcıqlandıra bilər:

“Xüsusən də radikal mövqe tutanları, məzhəb davası aparanları və s. Amma bu, bizi belə təşəbbüslərdən yayındıra bilməz. Əgər onlar tərəfindən hansısa mənfi addımlar olarsa, bunun qarşısını almaq üçün dövlətin xüsusi xidmət orqanları var. Və son illər Dövlət Təhlükəsizlik Xidməti bu istiqamətdə kifayət qədər müsbət işlər görüb".

İ.İsmayıl ölkə başçısının A.Paşazadənin anadan olmasının 70, şeyxülislamlıq fəaliyyətinin 40 illiyi ilə bağlı ayrıca sərəncam imzalamasını Şeyxin faəliyyətinə verilən qiymət kimi görür:

"Şeyxin fəaliyyətini  müsbət qiymətləndirirəm. O, kifayət qədər nüfuza və hörmətə sahib bir din adamıdır. Yubileyinin dövlət səviyyəsində keçirilməsi onun fəaliyyətinə olan qiymətdir. Və bu qiymətin verilməsi çox yaxşı haldır. Ermənilər Qarabağ münaqişəsini dini müstəviyə gətirməyə nə qədər çalışsalar da, bu cəhdlər nəticəsiz qaldı. Çünki Azərbaycanda dinlərarası münasibətlər çox yaxşıdır və bunda Şeyxin böyük xidmətləri var".  


Politoloq Zərdüşt Əlizadə
“Dünya dini liderlərinin II Bakı sammiti”nin Bakıda keçirilməsini Azərbaycana fayda verəcək təşəbbüs kimi qiymətləndirib.  Onun sözlərinə görə, eyni zamanda Qarabağ münaqişəsinin həllində bü cür təşəbbüslərlə yanaşı, siyasi iradənin olması da mütləqdir:


"Dünya dini liderlərin Azərbaycana gəlməsi müsbət hadisədir. Yəhudilər, katoliklər, ortodokslar, buddistlər ölkəmizdə bir araya gələcək, faydalı müzakirələr aparacaqlar. Roma Papası bir dəfə Bakıya gəlib, bu dəfə də gələrsə, çox yaxşı olar.  Mən dinə də, dindarlara da çox hörmətlə yanışaram. Anlayıram ki, dinlərin bəşəriyyət tarixində müstəsna rolu olub və var. Bir çox savaşların başlamasında, eyni zamanda başa çatmasında da dinlərin rolu böyükdür.  Din elə bir mürəkkəb təzahürdür ki, onun içində hərb də var, sülh də. Savaş da var, barış da. Bu tədbirin konkret Qarabağ probleminin həlli ilə bağlı əhəmiyyətinə gəlincə, hesab edirəm ki, belə təşəbbüslər faydalı olsa da, mütləq şəkildə siyasi şərtlər və siyasi iradə də olmalıdır".

Z. Əlizadə həmçinin Şeyxülislam Allahşükür Paşazadənin 70 illik və şeyxülislamlıq fəaliyyətinin 40 illiyinin qeyd olunması barədə Prezident sərəncamını böyük hadisə saydığını deyib:

"Bu qədər təlatümlü bir zəmanədə, siyasi quruluşların dəyişdiyi bir dövrdə bir insanın bütün bunlardan baş çıxarması, həm sovet dövründə, həm Xalq Cəbhəsinin dövründə, həm Heydər Əliyevin, həm də İlham Əliyevin dövründə şeyxülislam kimi faəliyyətini davam etdirməsi, dini icmanı mənfi təsirlərdən, ifrat təmayüllərdən qoruyub saxlaması - bütün bunlar böyük bacarıq tələb edir. Bu göstərir ki, Allahşükür Paşazadə böyük diplomatdır, zəngin həyat təcrübəsi var, müsəlmanları sağa-sola sapmalardan qoruyacaq bir müdrikliyə sahibdir. Şeyx həzrətləri radikalizmdən uzaq duran, istənilən hakimiyyətlə dil tapan, müsəlmanları kəskin siyasi fəaliyyətdən uzaq tutmağa çalışan bir insandır. Bu, böyük qabiliyyət və bacarıqdır. Şeyx həm də ziyalıdır, alimdir, bir çox dini akademiyaların üzvüdür. Şeyxin yubileyini təntənəli şəkildə keçirmək düzgün qərardır. Mən öz adımdan şeyx həzrətlərinə uzun ömür və can sağlığı arzulayıram".

BU KATEQORİYADAN OLAN DİGƏR XƏBƏRLƏR
+ Arxiv
“20 Yanvar tariximizin şərəf və qəhrəmanlıq səhifəsidir”  - İlham Əliyev 20 Yanvar 2020, 01:06 Qənirə Paşayeva  Əyyublu kəndində seçicilərlə görüşdü - FOTO 20 Yanvar 2020, 00:46 Cəlilabad sakini bir neçə nəfər tərəfindən döyülüb 20 Yanvar 2020, 00:21 "20 yanvar 1990-cı il Azərbaycanın tarixinə ən faciəli günlərdən biri kimi daxil olub" - Mehriban Əliyeva 20 Yanvar 2020, 00:12 30 il keçsə belə, onlar həbs oluna BİLƏRLƏR 20 Yanvar 2020, 00:07 30 illik qürur tarixi: Azərbaycan xalqı 20 Yanvar şəhidlərini yad edir 20 Yanvar 2020, 00:01 "Tələsmədən işləməliyik" 19 Yanvar 2020, 23:57 Hərbiçilər hökumətin pensiya islahatlarına qarşı   19 Yanvar 2020, 23:41 Azay Quliyev bir gündə üç böyük görüş keçirdi  - FOTOLAR 19 Yanvar 2020, 23:18 YAP-ın Sumqayıtdan olan  namizədi seçicilərlə NƏRD oynadı  - FOTO 19 Yanvar 2020, 22:43 İran meyitləri Ukraynaya təhvil verdi 19 Yanvar 2020, 22:22 İqbal Məmmədov seçicilərlə bir arada - FOTOLAR 19 Yanvar 2020, 22:08 Hindistanda K-4 ballistik raketi sınaqdan keçirilib 19 Yanvar 2020, 21:45 Hicran Hüseynova seçicilərlə görüşdü - FOTOLAR 19 Yanvar 2020, 21:22 Deputatlığa namizəd Rövşən Sadıxov seçicilərlə bir arada - FOTOLAR 19 Yanvar 2020, 21:03 Tovuzda yanacaq doldurma məntəqəsinə basqın 19 Yanvar 2020, 20:47 Fəzail Ağamalı seçicilərlə görüşdü - VİDEO 19 Yanvar 2020, 20:31 Çində güclü zəlzələ 19 Yanvar 2020, 20:19 İqbal Məmmədov şəhid ailələrinə baş çəkdi - FOTOLAR 19 Yanvar 2020, 20:01 Novruz Aslanov daha iki kənddə seçicilərinin görüşünə gəldi 19 Yanvar 2020, 18:42 MSK sədri: “1560 deputatlığa namizəd qeydə alınıb” 19 Yanvar 2020, 18:38 Salyanda 52 yaşlı kişinin meyiti tapılıb 19 Yanvar 2020, 18:02 MSK DSK-nın qərarını ləğv edib 19 Yanvar 2020, 18:00 Tanınmış meyxanaçının bacısı oğlu özünü asıb 19 Yanvar 2020, 17:57 Dövlət Sərhəd Xidmətinin rəisi: “Azərbaycan və İran arasında yeni sərhəd-buraxılış məntəqələrinin fəaliyyətə başlaması barədə müzakirə aparılır” 19 Yanvar 2020, 17:43 Musa Qasımlı şəhid ailəsinə baş çəkib 19 Yanvar 2020, 17:35 İstanbulda 20 Yanvar şəhidləri yad edilib - FOTOLAR 19 Yanvar 2020, 17:14 Yəməndə hərbi düşərgəyə hücum nəticəsində ölənlərin sayı 80 nəfərə çatıb 19 Yanvar 2020, 16:58 Sahibə Qafarova seçicilərlə görüşlərini davam etdirir 19 Yanvar 2020, 16:49 Çingiz Qənizadə qazi seçicisini evində ziyarət edib 19 Yanvar 2020, 16:37 Dövlət qulluğuna qəbulla bağlı İRADLARA RƏSMİ CAVAB 19 Yanvar 2020, 16:27 Musa Quliyev şəhid ailələrini ziyarət etdi 19 Yanvar 2020, 16:11 “WhatsApp” növbəti dəfə çökdü - PROBLEM HƏLL EDİLDİ 19 Yanvar 2020, 16:09 Sahibə Qafarova seçiciləri ilə görüşüb 19 Yanvar 2020, 15:42 Rayonlarda yarım metrdən çox qar var: Bakı sakinləri, gedə bilərsiniz 19 Yanvar 2020, 15:07
SORĞU Yeni parlamentdə kimlər olsun?