Arxiv
15 May 2019, 14:54 | İQTİSADİYYAT
Avtomobillə lovğalanmaq istəyənlər… -  Bakıda kirayə maşın bazarı canlanıb

Azərbaycanda son illərdə avtomobil sahibi olmaq, hətta maddi imkana uyğun olaraq bir neçə avtomobil almaq dəbə çevrilib. Ona görə, hər gün Bakı küçələrində tıxaclarla başımızı ağrıtmalı oluruq.

Maraqlıdır ki, tək avtomobil alğı-satqısı deyil, həm də avtomobil kirayə bazarı da xeyli inkişaf edir. Əvvəllər Azərbaycanda avtomobil kirayəsinə az hallarda rast gəlirdiksə, bu gün maşın icarəyə verən şirkətlərin də, maşın götürüb, müvəqqəti istifadə edən sakinlərin də sayı xeyli artıb.

Modern.az olaraq, kirayə avtomobil bazarındakı qiymətlər və hazırkı durum haqqında araşdırma  apardıq. Bir neçə kirayə avtomobil xidməti təklif edən şirkətin elektron saytına müraciət etdik. Belə görünür ki, Azərbaycanda maşınların gündəlik kirayəsi 50 manatdan başlayır. Bu qiymət avtomobillərin markası, istifadə təyinatından asılı olaraq dəyişir. Hətta gündəlik kirayəsi 1800-2000 manata qədər yüksələn avtomobillərə rast gələ bilərik.


“Ekonom klass” adlandırılan avtomobillərin  kirayə qiymətləri nisbətən ucuz olduğu halda, “Biznes klass” tipli avtomobillər xeyli baha təklif edilir. Ən bahalı kirayə qiymətləri olan avtomobillər isə təbii olaraq, “VİP klass” avtomobillərdir.


Bakının ən məşhur kirayə avtomobil şirkətlərindən biri olan “Rent a car Baku” şirkəti ilə əlaqə saxladıq. Şirkət təmsilçisi suallarımızı cavablandırarkən qeyd etdi ki, hazırda Ramazan ayı olduğuna görə kirayə avtomobillərə tələbat azalıb:

“Həm toy mərasimlərinin olmaması, həm də insanların regionlara daha az səfər etməsi ilə bağlı kirayə maşın götürənlər azdır. Amma Avropa Liqasının final mərhələsi Bakıda keçiriləcək. Buna görə ölkəmizə gələn qonaqların kirayə avtomobillərə tələbatı çox olur. İndidən sifarişlər alınır. Daha çox sürücü ilə kirayə verilən avtomobillərə üstünlük verirlər. Çünki ölkəmizə gələn xarici qonaqların əksəriyyəti şəhərin küçələrini yaxşı tanımır, gəzmək üçün sürücü və maşına ehtiyac duyurlar.

Ümumilikdə rəqəmləri götürsək, yay mövsümündə daha çox tələbat olur. Bayramlar ərəfəsində tələbat daha çoxdur. Həm əcnəbilər, həm də yerli sakinlər kirayə avtomobillər götürürlər. Ən çox yayda regionlara bir və bir neçə günlük istirahətə, gəzintiyə gedən şəxslər avtomobil icarəsi üçün müraciət edirlər. Sıx rastlaşdığımız hallardan biri də maşını xarab olan, servisə yerləşdirən şəxslərdir. Onlar məhdud müddətlik məsələn, 1 həftəlik, 10 günlük öz şəxsi işləri üçün sürücülü və ya sürücüsüz avtomobillər kirayələyirlər.

Kirayə verdiyimiz avtomobillər tam sığortalıdır. Müştəri tərəfindən ziyan dəyərsə, təxmini 300 manat civarında ziyanı müştəri ödəyir. Ziyanın həcmindən asılı olaraq məbləğ də dəyişə bilir”.

Nəqliyyat eksperti Ərşad Hüseynov  kirayə avtomobillərə tələbatı da, bu bazardakı qiymətləri də normal hesab edir:


“Kirayə avtomobillərdən istifadə edən şəxsləri 3 kateqoriyaya bölə bilərik. Birinci kateqoriyaya xarici ölkələrin Azərbaycandakı nümayəndəlikləri, ölkəmizə gələn iş adamları daxildir. Onlar ölkəmizdə daimi avtomobil sahibi olmaq əvəzinə, kirayə avtomobil götürməyə üstünlük verir, ölkələrinə qayıtdıqda isə maşını təhvil verirlər.

İkinci kateqoriya turistlərdir. Onlar, adətən, bahalı avtomobillərlə səyahət etməyə meyl göstərirlər. Son zamanlar kirayə avtomobil götürən turistlərin sayı da artır.

Üçüncü qrup kirayə avtomobil istifadəçiləri isə yerli sakinlər, özünün fərdi avtomobili olmayan, avtomobillə görünmək istəyən adamlardır. Onların da son zamanlar sayında artım var. Amma bu insanların bəziləri özlərini sadəcə hansısa tədbirdə, toylarda göstərmək istəyirlər. Bu isə təəssüf ki, fəsadlarla nəticələnir. Bir müddət öncə Sumqayıt yaxınlığında bədbəxt hadisə baş vermişdi. İki qardaş kirayə götürülən avtomobildə qəza törətmiş, hər ikisi rəhmətə getmişdi. Belə bəd hadisələrin qarşısını almaq üçün sırf dəb, kiməsə görünmək xatirinə avtomobil kirayələyərkən insanlar təhlükəsizlik qaydalarını unutmamalıdırlar”.


Son zamanlar dünyada avtomobil kirayəsinin “car sharing” adlanan formasının yayıldığını diqqətə çatdıran Ə. Hüseynov bu sistemin mahiyyətini də izah edib:


“Belə ki, kirayə avtomobili götürmək üçün internet üzərindən axtarış verirsən, ən yaxın məntəqədə olan kirayə avtomobili  seçib, istifadə edirsən. Elektron ödənişlə pulu çatdırıb, avtomobili müddət bitdikdə lazım olmayan hər hansı yerdə qoyub, gedirsən. Növbəti müştəri isə qoyub, getdiyimiz yerdən həmin maşını götürüb, istifadə edir. Azərbaycanda bu sistem yoxdur. “Car sharing”də sürücü icarəyə verənlə təmasda olmur, ancaq virtual təmas baş verir. “Car sharing”in ölkəmizdə yayılmaması etinasızlıqla bağlıdır. Hətta hazırkı sənəd təqdimetməsi qaydasında belə avtomobil kirayə verən şirkətlər istifadəçilərin bəzən avtomobilləri mənimsəməyə çalışdığını deyirlər. Müəyyən detallarını çıxarıb götürmək istəyənlərə belə rast gəlinir. İnsanların bu cür dələduzluqlara əl atdığı şəraitdə Azərbaycanda “car sharing”in olduğu kimi tətbiq edilməsi hələ bir az da gecikə bilər”.

 

BU KATEQORİYADAN OLAN DİGƏR XƏBƏRLƏR
+ Arxiv
Bakıda saxta içkilər hazırlayan “Beluqa Tahir”in dəstəsi tutuldu - FOTOLAR 15 Oktyabr 2019, 13:50 İlham Əliyev: “Ermənistanın destruktiv siyasətinə görə irəliləyiş yoxdur” 15 Oktyabr 2019, 13:36 Gömrük Akademiyasının tələbəsi: “Burda təhsil almaq bir addım öndə olmağa imkan verir” - MÜSAHİBƏ 15 Oktyabr 2019, 13:29 Kiyevdə öldürülən azərbaycanlı tələbənin qatili beynəlxalq axtarışa verildi - Səfirliyimizdən NOTA 15 Oktyabr 2019, 13:23 Bakıda Türk Şurasının VII Zirvə Görüşü keçirilir - YENİLƏNİB 15 Oktyabr 2019, 13:14 Pənah Hüseyn: “Fəzail Ağamalıya necə təzyiq olubsa, danışmaqdan belə çəkinir” 15 Oktyabr 2019, 13:01 Litva səfiri Ekologiya Nazirliyində olub 15 Oktyabr 2019, 12:54 Paşinyan Minsk Qrupunun həmsdərləri ilə görüşdü 15 Oktyabr 2019, 12:54 Piyadanı vurub qaçan sürücü tutulub 15 Oktyabr 2019, 12:50 Sabah 28 dərəcə isti olacaq - PROQNOZ 15 Oktyabr 2019, 12:44 BŞTİ müdiri qızıl və gümüş medal alanların sayını açıqladı  15 Oktyabr 2019, 12:35 Komitə sədri: “Azərbaycan Ermənistana imkan verməyəcək” 15 Oktyabr 2019, 12:35 Deputatdan Qarabağ icması ilə bağlı TƏKLİF 15 Oktyabr 2019, 12:29 Metronun Xocəsəndə tikilən yeni deposu nə vaxt AÇILACAQ? 15 Oktyabr 2019, 12:27 Leyla Əliyevanın “Sanki bir alovsan” adlı şeirlər toplusu Ankarada nəşr olunub 15 Oktyabr 2019, 12:21 Suriyanın şimalında kim hara nəzarət edir? - XƏRİTƏ 15 Oktyabr 2019, 12:17 Övladını digər məktəbə dəyişmək istəyən valideyn nə etməli? 15 Oktyabr 2019, 12:17 Rusiyada həbs olunan Orxan Zeynalovun atası NARAZIDIR 15 Oktyabr 2019, 12:15 Ermənistan Suriyaya qoşun göndərdi – TƏCİLİ 15 Oktyabr 2019, 12:09 Rövşən Lənkəranskidən bəhs edən “Böyük qardaş” kitabı satışa çxarıldı 15 Oktyabr 2019, 12:05 Təhsil idarəsinin müdiri paytaxt məktəblərində süni şagird sıxlığından DANIŞDI 15 Oktyabr 2019, 12:04 İlham Əliyev Yaponiyanın Baş Nazirinə başsağlığı  verib 15 Oktyabr 2019, 12:03 Ermənilər tanınmaz hala saldıqları Şuşa məscidinin “açılışını” etdilər - FOTOLAR 15 Oktyabr 2019, 11:55 Nazirlər Beynəlxalq Türk Mədəniyyəti və İrsi Fonduna gəldilər - FOTOLAR 15 Oktyabr 2019, 11:48 Bakı Ali Neft Məktəbinin tələbələri dünyanın nüfuzlu neft-qaz yarışında Azərbaycanı təmsil ediblər 15 Oktyabr 2019, 11:45 Kataloniyada etirazlar: 78 nəfər yaralandı 15 Oktyabr 2019, 11:44 Həbsdəki müğənni Fədayə Laçından yeni XƏBƏR VAR 15 Oktyabr 2019, 11:41 Vəsiqəsini girov qoyan eks-deputatın SENSASİON SƏS YAZISI: “Rafael işdən çıxıb, indi türməyə gedir” 15 Oktyabr 2019, 11:34 Etibar Məmmədov nəhayət ki, siyasətə qayıtmağından danışdı: “Şərhə hazıram” 15 Oktyabr 2019, 11:32 KapitalBank-ın Satış inzibatçısı: “Məqsədimiz sahibkarların yaxın dostu olmaqdır” 15 Oktyabr 2019, 11:27 Bakıda 10 məktəb direktoru işdən çıxarıldı 15 Oktyabr 2019, 11:26 Havanı çirkləndirən metaləritmə sexinə 3000 manat CƏRİMƏ 15 Oktyabr 2019, 11:20 Rəsmi Moskva: “Suriya və Türkiyə ordusunun toqquşmayacağına ümid edirik” 15 Oktyabr 2019, 11:12 Erməni yaraqlıları Türkiyəyə qarşı vuruşmaq üçün kürdlərə qoşulur 15 Oktyabr 2019, 11:06 Rektor: “Azərbaycanda hər il 400-dək insan öz həyatına son qoyur” 15 Oktyabr 2019, 11:02