Arxiv
20 İyun 2019, 17:29 | AKTUAL
Oqtay Əsədov gürcü spikerlə nələrdən danışdı...

Bu gün Milli Məclisin sədri Oqtay Əsədov Gürcüstan parlamentinin sədri İrakli Kobaxidze ilə görüşüb.

Modern.az xəbər verir ki, O. Əsədov görüşdə bildirib ki, Azərbaycan və gürcü xalqlarının dostluğunun qədim tarixi var, həmişə çətin gündə bir-birinə dayaq olub.


O.Əsədov deyib ki, həm Azərbaycan, həm Gürcüstan müstəqillik əldə etdikdən sonra münasibətlərimiz inkişaf edib və strateji tərəfdaşlıq səviyyəsinə çatıb:

“Çox şadıq ki, siyasi əlaqələrimizlə bərabər iqtisadi əlaqələrimiz də inkişaf edib. 2018-ci ildə ticarət dövriyyəsi 590 milyon dollardan çox olub. Bu dövrlər ərzində Azərbaycan Gürcüstanda əsas investorlardan biri olub. Azərbaycan Gürcüstana 3 milyard dollara qədər investisiya qoyub. Bu ilin aprel ayına qədər ticarət dövriyyəsi 243 milyon dollar olub. Bu il ticarət dövriyyəmizin daha yüksək olacağını gözləyirik”.

O.Əsədov qeyd edib ki, Azərbaycan və Gürcüstan regionda həyata keçirilən böyük layihələrin iştirakçılarıdır: “Bakı-Tbilisi-Ceyhan neft kəməri, TANAP layihəsi, hazırda 87 faizi hazır olan TAP layihəsi Avropanın enerji təhlükəsizliyində hansı rolu oynadığımızın təzahürüdür. Biz çox şadıq ki, enerji ilə bərabər, nəqliyyat sahəsində də ölkələrimiz birgə layihələr həyata keçirir. Bunlardan biri də Bakı-Tbilisi-Qars dəmir yolu layihəsidir. Əminik ki, bu layihə tam gücü ilə işləyəndən sonra hər iki ölkə bundan böyük gəlir əldə edəcək. Mən son dəfə Gürcüstana səfər edəndə Tiflisdə bir çox SOCAR yanacaqdoldurma məntəqəsi görəndə ürəyim açıldı. Bildim ki, SOCAR Gürcüstanda böyük işlər görür. Bizə mane olmasalar, Azərbaycan və Gürcüstan daha sürətlə inkişaf edər. Çox təəssüflər olsun ki, Azərbaycan və Gürcüstan separatizmlə, ərazi itkisi ilə qarşılaşıb. Biz inanmaq istəyirik və ümidimizi itirməmişik ki, Cənubi Osetiya, Abxaziya və Dağlıq Qarabağ münaqişələri ölkələrin ərazi bütövlüyü çərçivəsində həllini tapacaq”.

İrakli Kobaxidze deyib ki, Gürcüstan və Azərbaycan strateji, etibarlı tərəfdaşdır:

"Azərbaycan tərəfindən Gürcüstanın ərazi bütövlüyünə hörmətlə yanaşılması bizim üçün çox əhəmiyyətlidir. Gürcüstan da Azərbaycanın ərazi bütövlüyünə analoji qaydada hörmətlə yanaşır. Biz də ümid edirik ki, bu münaqişələr sülh yolu ilə həll olunacaq. Ümumiyyətlə, ölkələrimiz üçün sülhün və stabilliyin çox böyük əhəmiyyəti var. Sülh və stabillik olmasa, ölkələrimizin inkişafına böyük problemlər yaranar”.

İrakli Kobaxidze nəzərə çatdırıb ki, iki ölkə ikitərəfli və çoxtərəfli formatlarda əməkdaşlıq edir. Gürcüstan parlamentinin sədri qeyd edib ki, iki ölkə arasında iqtisadi əlaqələri inkişaf etdirmək çox əhəmiyyətlidir: “Ancaq bizim perspektivdə bir çox imkanlarımız var və o imkanlardan da istifadə etməliyik. Xüsusi əhəmiyyətli məsələ energetika və nəqliyyat sahələrində icra olunan layihələrdir. Üçtərəfli layihələr- Azərbaycan, Türkiyə və Gürcüstanın iştirakı ilə həyata keçirilmiş layihələr çox əhəmiyyətlidir. Gürcüstan biznesin inkişafına görə dünyada 6-cı yeri tutur. Bu, Azərbaycan şirkətlərinin daha da fəallaşmasına kömək edəcək. Bizim üçün mədəniyyət və təhsil sahələrində əməkdaşlıq da əhəmiyyətlidir”.


O.Əsədov bu gün Bakıda keçirilən Qara Dəniz İqtisadi Əməkdaşlıq Təşkilatı Parlament Məclisinin 53-cü Baş Assambleyasında Gürcüstanın nümayəndə heyətinin Qara Dəniz İqtisadi Əməkdaşlıq Təşkilatının Parlament Məclisinin baş katibi postuna seçkilərdə Azərbaycan nümayəndəsi Asəf Hacıyevi dəstəklədiyinə görə təşəkkürünü çatdırıb.

Görüş müzakirələrlə davam edib.

 

BU KATEQORİYADAN OLAN DİGƏR XƏBƏRLƏR
+ Arxiv
Bakıda mənzil qarət edən 54 yaşlı qadın tutuldu 28 May 2020, 10:55 Bəzi ixtisaslara qabiliyyət imtahanları keçirilməyəcək 28 May 2020, 10:51 Türkiyə səfirliyi Azərbaycanı Respublika günü münasibətilə təbrik edib 28 May 2020, 10:45 Las Veqas, Honolulu və Monterey şəhərlərində “Azərbaycan Milli Günü” elan edilib 28 May 2020, 10:37 Ağdaşda bir tondan çox narkotik məhv edildi  28 May 2020, 10:28 Bakıda 40 yaşlı kişi ürəyindən bıçaqlandı 28 May 2020, 10:16 Müdafiə Nazirliyinin Baş Klinik Hospitalının yeni korpusu açıldı - FOTOLAR 28 May 2020, 10:08 Mayk Pompeodan Azərbaycan xalqına Respublika günü TƏBRİKİ 28 May 2020, 09:59 Məhəmməd Əmin Rəsulzadədən yadigar qalan tar - Cümhuriyyətin yaşıdı... 28 May 2020, 09:46 28 may Respublika günüdür! 28 May 2020, 09:32 Atəşkəs 23 dəfə pozulub 28 May 2020, 09:23 Milli dövlətçilik tariximizin qürur mənbəyi: Azərbaycan Xalq Cümhuriyyəti 28 May 2020, 09:12 ABŞ uyğur türkləri ilə bağlı QƏRAR VERDİ – Çinə sanksiyalar tətbiq olunacaq 28 May 2020, 09:09 Azərbaycanlı həkim həyəcan təbili çaldı: “Karantin davranışları sərtləşdirilməlidir, əks halda…” - MÜRACİƏT 28 May 2020, 09:06 Fransada silahlı şəxs 3 nəfəri öldürdü 28 May 2020, 08:57 Hollandiyanın Bakıdakı səfiri: “Azərbaycan islahatları davam etdirməlidir” - MÜSAHİBƏ 28 May 2020, 08:46 Sosial məsafəyə görə təyyarədə dava düşdü 28 May 2020, 00:53 Gürcüstandan daha 30 nəfər Azərbaycana təxliyə edildi 28 May 2020, 00:42 Türkiyəyə meteorit düşdü - VİDEO 28 May 2020, 00:27 Mehriban Əliyeva Azərbaycan xalqını təbrik etdi 28 May 2020, 00:12 Şərqin ilk demokratik respublikası: 102 il öncə verilən tarixi qərar 28 May 2020, 00:01 Abşeronda yanğın oldu 27 May 2020, 23:53 Bakıda qayın yeznəsini bıçaqladı 27 May 2020, 23:41 İstanbul rəmzləri Azərbaycan bayrağı rəngləri ilə işıqlandırıldı - FOTO 27 May 2020, 23:24 Cəlilabadda xəsarət alanların kimliyi bilindi 27 May 2020, 23:11 Koronavirus peyvəndi ilin sonunadək hazır olacaq - İDDİA 27 May 2020, 22:58 Karantin rejiminin müddəti iyunun 14-dək uzadıldı 27 May 2020, 22:44 İcra başçısı  Şəmkir  maşın kanalına baxış keçirdi - FOTO 27 May 2020, 22:32 Bakıda avtomobil maneəyə çırpıldı: xəsarət alanlar var 27 May 2020, 22:19 Bu ölkədə COVİD-19 qurbanlarının sayı 37 460-ya çatıb 27 May 2020, 22:01 Türkiyə İdlibdə şəhid verdi 27 May 2020, 21:48 Tovuzda gənc oğlanın bilək damarı kəsilib 27 May 2020, 21:40 Türkiyədə koronavirusa yoluxanların sayı yenidən artdı 27 May 2020, 21:27 Azərbaycanda koronavirusla bağlı son STATİSTİKA 27 May 2020, 21:14 “AİHM-in qərarı erməni “təbliğat maşını”nın növbəti fiaskosudur” - Azay Quliyev 27 May 2020, 20:57