Arxiv
9 İyul 2019, 10:20 | DİASPOR
Florida ştatına Allahın töhfəsi - Töhfə xanım…

Ailənin yeganə övladı olduğuna görə, valideynləri onun hərtərəfli yetişməsi üçün əllərindən gələni əsirgəməyiblər. Hələ dörd yaşı olanda Neft-Kimya Prosesləri İnstitutunda elmi kitabxananın müdiri işləmiş anası Rəhilə Məmmədova onu yazıçı Mirzə İbrahimovun qızı Sevda xanımın yanına aparıb. Və orta məktəbə gedənədək ondan fortepiano dərsləri alıb. Beş yaşından yeddi yaşınadək Yuri Qaqarin adına Pionerlər Evində balet dərnəyinə gedib. Orta təhsilini 1989-cu ildə Bülbül adına orta ixtisas musiqi məktəbində başa vurduqdan sonra indiki Azərbaycan Dövlət Mədəniyyət və İncəsənət Universitetinə qəbul olunub. 1993-cü ildə ali təhsilini bitirərək, teatrşünas ixtisasına yiyələnib. 1992-2000-ci illərdə Bakı Xoreoqrafiya Məktəbində teatr və balet tarixi fənnindən dərs deyib…

1989-cu ildən ictimai fəaliyyətlə məşğuldur. “Azərbaycan Qadınlar Cəmiyyəti”nin fəal üzvlərindən biri olub. 1993-cü ildə Elmira Süleymanovanın rəhbərlik etdiyi “Qadın və İnkişaf Cəmiyyəti”nə dəvət alıb. Pedaqoji fəaliyyətlə yanaşı, 2000-ci ilədək həmin cəmiyyətdə ictimai əsaslarla sədr köməkçisi vəzifəsində çalışıb. Eyni zamanda “Mədəniyyət Fondu”nun nəzdində “Bazar Günü Məktəbi”nin direktoru olub. 2000-ci ildə ailə qurduqdan sonra Amerikaya köçüb…

…Ömür-gün yoldaşı Əgdər Eminov ixtisasca hüquqşünas olsa da, hazırda bizneslə məşğul olur. İki övladı var. Oğlu Aydın bu il Florida Beynəlxalq Universitetinə qəbul olunub, 18 yaşındadır. Qızı Nabat isə hələ ki orta məktəbdə oxuyur…

Haqqında söhbət açdığım Töhfə Eminova ABŞ-a gələndən sonra üç il ailəsi ilə birlikdə Kentuki ştatında məskunlaşıb. Orada olarkən Qərbi Kentuki Universitetində doqquz ay ingilis dili kurslarına gedib. 2003-cü ildən Florida ştatının Mayami şəhərində yaşayır. Bir müddət övladlarının tərbiyəsi ilə məşğul oduqdan sonra 2006-2008-ci illərdə “MedVance İnstitute”də cərrah köməkçisi ixtisasına yiyələnib. 2008-2012-ci illərdə plastik cərrahiyyə klinikasında öz ixtisası üzrə çalışıb. Bir ara verdikdən sonra, 2013-cü ildən indiyədək “Aventura Hospital and Medical Center”də cərrah köməkçisi işləyir…

İctimai işlərdə zəngin təcrübəsi olan Töhfə xanım necə deyərlər, əsl təşkilatçıdır. Amerikada uğur qazanandan sonra azərbaycanlıları axtarıb- aramağa başlayıb. Bir il gərgin axtarışlardan sonra nəhayət ki, Mayamidə yaşayan soydaşlarımızı bir araya toplaya bilib. Zəruriyyət yarandığından 2006-cı ildə “Floridada Azərbaycan Amerika Mədəniyyət Asossasiyası”nı təsis edib. Elə o vaxtdan da Azərbaycan naminə işlər görür. Sizə zarafat gəlməsin, bir sıra milli və rəsmi bayramlarımızın Florida ştatında rəsmən keçirilməsi üçün ştatın qubernatoru tərəfindən on beşə yaxın bəyənnamənin verilməsinə nail olub...

“Səhiyyə sahəsində çalışıram. Gərgin iş rejimim olmasına baxmayaraq, azərbaycanlı olduğumu unutmuram. Azərbaycanın daha çox tanınmasına səy göstərirəm. İstəyirəm ki, Azərbaycan deyiləndə amerikalılar zəngin mədəni irsi olan, qədim ənənəyəmalik bir ölkədən söhbət getdiyini anlasınlar” - Töhfə xanım deyir...

Xeyirxah əməlləri saymaqla tükənməz. O qədər yaxşı işlər görüb ki, mən onların mahiyyətini bir yazıya yerləşdirə bilmədim. Onunla söhbətimiz uzun çəkdi. Özündən soruşmağa utandım, amma kübar bir nəsildən olduğu aydın görünürdü. Necə deyərlər, həmsöhbətim əsl xanım idi. Mükəmməl tərbiyə aldığı, yüksək mədəniyyət sahibi olduğu davranışından hiss edilirdi. O qədər xoş təəssürat yaratdı ki, onun insanlığına, alicənablığına, dünya görüşünə, əqidəsinə, iti zəkasına, dərin təfəkkürünə heyran qaldım. Bəli, zadəgan doğulanlar dünyanın harasına getsələr də toplumdan fərqlənir, İlahi təyinatı şərəflə icra edirlər…

Elman Eldaroğlu,
ABŞ, Miçiqan

BU KATEQORİYADAN OLAN DİGƏR XƏBƏRLƏR
+ Arxiv
İspaniya millisi Polşa səddini keçə bilmədi 20 İyun 2021, 00:58 Şəmkir sakini özünü asdı 20 İyun 2021, 00:51 Gürcüstanda zəlzələ oldu 20 İyun 2021, 00:34 "Qalatasaray"a yeni prezident seçildi 20 İyun 2021, 00:30 Dağıstandan Bakıya aviareyslər açılır 20 İyun 2021, 00:14 Bu gün Bakıda avtobuslar İŞLƏYƏCƏK 20 İyun 2021, 00:01 Britaniyada yoluxma sürətləndi 19 İyun 2021, 23:50 Xəzərdə batmaqda olan 3 nəfər xilas edildi 19 İyun 2021, 23:36 İstanbulda fabrikdə güclü yanğın - VİDEO 19 İyun 2021, 23:25 Qazaxda yol qəzası 19 İyun 2021, 23:11 Cəlilabadda meşədə yanğın - FOTO 19 İyun 2021, 22:59 Samuxda gənc müəllim intihar etdi 19 İyun 2021, 22:45 "4 ildir gözlədiyimiz turnirlə erkən vidalaşmaq istəmirik" - Şenol Günəş 19 İyun 2021, 22:37 4 uşaq anası “Mən özümü Kürə atacam” yazıb intihar etdi 19 İyun 2021, 22:22 Oğuzda yol qəzası - xəsarət alan var 19 İyun 2021, 22:08 Ronaldolu Portuqaliya Almaniyaya uduzdu 19 İyun 2021, 21:53 Türkiyədə virusdan gündəlik ölənlərin sayı azaldı 19 İyun 2021, 21:47 Naftalanda sanatoriyada istirahət edən kişi qəflətən öldü 19 İyun 2021, 21:33 "Barselona" yeni hücumçu aldı 19 İyun 2021, 21:24 Finalda erməniyə qalib gələn güləşçimiz Avropa çempionu oldu - FOTO 19 İyun 2021, 21:11 Ermənistanda seçicilərə rüşvət verən deputatlığa namizəd saxlanıldı 19 İyun 2021, 20:58 Kürdə gənc qadın batdı 19 İyun 2021, 20:43 Putin Şoyqu və Lavrovu deputat görmək istəyir 19 İyun 2021, 20:28 Macarıstan millisi dünya çempionu ilə heç-heçə etdi 19 İyun 2021, 20:15 Rəsmi Bakıdan Ermənistana CAVAB 19 İyun 2021, 20:07 İstanbulda zəlzələ olub 19 İyun 2021, 18:39 Prezident TƏSDİQLƏDİ – Sosial sığorta şəhadətnaməsi ləv olunur 19 İyun 2021, 18:17 İlham Əliyev İranın yeni seçilmiş prezidentini təbrik edib 19 İyun 2021, 17:57 Ermənistanın Azərbaycana qarşı mina şantajı – Partiya sədrindən REAKSİYA 19 İyun 2021, 17:44 Şuşa Bəyannaməsi ölkəmizdəki siyasi birliyi daha da möhkəmləndirəcək 19 İyun 2021, 17:31 Bir gündə 40 min çox peyvənd VURULDU 19 İyun 2021, 17:23 Yoluxma sayı bu gün də azaldı: ölən yoxdur 19 İyun 2021, 17:19 İranda seçkilərin rəsmi nəticələri elan olundu – Rəisi prezidentdir 19 İyun 2021, 17:15 Ermənilərin seçimi kim olacaq: Paşinyan yoxsa Koçaryan? - ŞƏRH 19 İyun 2021, 17:07 Putin ən çox etibar etdiyi 5 partiyadaşının adını SADALADI 19 İyun 2021, 16:39
SORĞU AVRO-2020-nin qalibi hansı komanda olacaq?