Arxiv
6 Sentyabr 2019, 14:26 | ÖLKƏ
Müxalifətdən Siyavuş Novruzovun qanvermə çağırışına REAKSİYA

Sentyabrın 6-da hakim Yeni Azərbaycan Partiyasının təşəbbüsü ilə növbəti qanvermə aksiyası keçirilib.


Partiyanın İcra Katibliyində təşkil olunan aksiyada Baş nazirin müavini, YAP sədrinin müavini-icra katibi Əli Əhmədov, YAP icra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov, partiyanın İdarə Heyətinin və Siyasi Şurasının üzvləri, Milli Məclisin deputatları, YAP-ın Bakı şəhəri və Abşeron rayon təşkilatlarının üzvləri iştirak ediblər.


Qanvermə aksiyasının humanist xarakterli tədbir olduğunu deyən YAP icra katibinin müavini, deputat Siyavuş Novruzov partiya üzvlərinin bu təşəbbüslə nümunə göstərdiklərini qeyd edib. S.Novruzov müxalifət nümayəndələrini də bu aksiyaya dəvət edib:


“Onlar indiyə qədər nə qanvermə, nə ağacəkmə, nə də digər xeyirxah tədbirlər keçirib. Əksinə,  görülən müsbət işlərə kölgə salmağa çalışıblar, öz fəaliyyətlərini, söyüş, təhqir, böhtan  üzərində qurublar. Mən həmin siyasi təşkilatları da qanvermə aksiyasında iştirak etməyə dəvət edirəm. Gəlsinlər qan versinlər".


Bəs müxalif siyasi partiyaların YAP-çı deputatın dediklərinə münasibəti necədir?

Modern.az saytı bu sualla YAP-ın rəqiblərinə müraciət edib.

Müsavat Partiyası başqanının müavini Səxavət Soltanlı deyib ki, müsavatçılar yalnız məhərrəmlikdə deyil, zaman-zaman qanvermə aksiyalarına qoşulurlar:

“Bəzi hallarda köməyə ehtiyacı olan şəxslər üçün aksiyalar da təşkil edirik. Sadəcə bu kimi işlərdən siyasi məqsədlər üçün istifadə etmirik. Siyasi partiyalar belə məsələləri şouya çevirməməlidir”.

AXCP sədrinin müavini Fuad Qəhrəmanlı Siyavuş Novruzovun çağırışını qeyri-səmimilik adlandırıb. 

Bununla yanaşı, F.Qəhrəmanlı deyib ki, bu tip aksiyalarda iştirak etmək AXCP üzvlərinin fərdi qaydada istəyinə əsaslanır:

"Biz milli mənəvi məsələlərdən sui-istifadə edib, bunu siyasi kampaniyaya çevirmək niyyətində deyilik. YAP-dan fərqimiz odur ki, bu kimi məsələlərə hər hansı siyasi, ictimai təmənna güdmədən yanaşırıq”.

ReAl Partiyası İdarə Heyətinin üzvü Natiq Cəfərli:


“Aprel döyüşlərindən sonra ReAl Partiyası çağırış etdi və öz üzvlərimizlə birlikdə səhv etmirəmsə, gün ərzində 243 nəfər müxtəlif qanvermə məntəqələrində Azərbaycan ordusunun yaralanan əsgərləri üçün qan verdilər.  

Əslində YAP və deputatların bu aksiyası təqdirəlayiq addımdır. Amma səhiyyə sistemi elə qurulmalıdır ki, belə aksiyalara ehtiyac qalmasın. Çünki səhiyyə sisteminin fəaliyyəti düzgün olsa, belə problemlər baş qaldırmaz. Baxın, sosial şəbəkələrdə tez-tez elan verirlər ki, hansısa vətəndaşa təcili qan lazımdır.  Biz belə çağırışlara da qoşuluruq, sadəcə reklam etmədən, vətəndaş mövqeyimizi ortaya qoyuruq”.


Azərbaycan Demokrat Partiyasının sədri Sərdar Cəlaloğlu isə dinin dövlətdən ayrı olduğunu xatırladıb:

“Məntiqlə götürdükdə, məhərrəmlik şiə təriqətinə aid edilən matəm ayıdır. Bir sözlə, bu ayda həyata keçirilən qanvermə aksiyası dini mahiyyət daşıyır. Azərbaycanda isə din dövlətdən ayrıdır. Ona görə, buna siyasi don geyindirmək, dindən siyasi vasitə kimi istifadə etmək yolverilməzdir. Çünki din daha yüksək dəyərlər sistemidir.

Düzdür, qanvermə humanist aksiyadır. Amma bunu həyata keçirmək üçün mütləq məhərrəmliyi gözləməyə ehtiyac yoxdur. Əgər doğrudan da digər insanların həyatını xilas etmək niyətilə bunu edirlərsə, ilin istənilən vaxtı, istənilən günündə qan verə bilərlər”.  


Azərbaycan Milli İstiqlal Partiyasının Mərkəzi Şurasının üzvü Əli Oruclu isə AMİP-in illər əvvəl belə aksiyalar keçirdiyini söyləyib:

“YAP son illərdə bu cür qanvermə aksiyaları keçirir. AMİP isə müharibənin şiddətli, qızğın vaxtında könüllü qanvermə kampaniyaları həyata keçirib. 30 il sonra YAP bizim elədiyimizi təkraralayır. Hətta bunu da insanlara minnət kimi qoyurlar. Biz keçirdiyimiz aksiyaların heç birini təbliğ etməyi, cəmiyyətə minnət kimi qəbul etdirməyi düşünmədik. Yenə də edirlərsə, hər halda yaxşı addımdır. YAP-ın 700 min üzvü var, onlardan tək 500 mini qan versə, böyük bir qan bankı yaranar”.

Klassik Xalq Cəbhəsi Partiyasının sədri Mirmahmud Mirəlioğlu isə bu cür aksiyaları dəstəkləyib:

“Kimin dəvət etməsindən asılı olmayaraq, belə kampaniyalarda hər kəsin iştirak etməyi vacibdir”.

BU KATEQORİYADAN OLAN DİGƏR XƏBƏRLƏR
+ Arxiv
“Şərqin Parisi”ni xarabazarlığa çevriən partlayış: Beyrutda nə baş verdi? – VİDEO 5 Avqust 2020, 15:37 Yeni dərs ilində tədris prosesinin təşkili haqda rəsmi AÇIQLAMA 5 Avqust 2020, 15:23 İşsizlikdən sığorta fondunun büdcəsinə dəyişiklik I oxunuşda qəbul edilib 5 Avqust 2020, 15:20 Siyavuş Novruzov: “Kim korrupsiya ilə məşğuldursa, adı deyilsin” 5 Avqust 2020, 15:18 Kamran Əliyevdən 6 ayın HESABATI: “103 cinayət qrup zərərsizləşdirilib” 5 Avqust 2020, 15:17 Bakıda onlayn narkotik satan şəxslər saxlanıldı 5 Avqust 2020, 15:10 AQTA sədrinə yeni müavin təyin olunub 5 Avqust 2020, 15:03 Baş Prokurorluqda 100-dən artıq əmr ləğv edildi 5 Avqust 2020, 14:57 “Simpsonlar” Beyrutdakı partlayışla bağlı dünyanı heyrətləndirdi - FOTO 5 Avqust 2020, 14:55 Azərbaycanlı işçi Livanda “Hizbullah”a necə “ƏSİR DÜŞDÜ”... 5 Avqust 2020, 14:43 Bu ölkələrə koronavirus yenidən qayıdır - SİYAHI 5 Avqust 2020, 14:40 Naqif Həmzəyev: Meşə tipli parkın salınması gələcək nəslə töhfədir 5 Avqust 2020, 14:33 DİM: Rezidentura umtahanının nəticələri yaxın 2-3 gündə elan ediləcək 5 Avqust 2020, 14:29 Agentlikdən pandemiya ilə mübarizə aparan tibb işçilərinə əlavə ödənişlər barədə AÇIQLAMA 5 Avqust 2020, 14:25 Naftalan neftinin sertifkatlaşdırılması ilə bağlı video konfrans keçirilib 5 Avqust 2020, 14:20 Baş Prokurorluqda kadr islahatları: 114 nəfər rəhbər vəzifələrə təyin olunub 5 Avqust 2020, 14:13 Azərbaycanda COVID-19 virusuna yoluxmuş 10 nəfərə cinayət işi açılıb 5 Avqust 2020, 14:13 Baş Prokurorluqda generalın oğluna vəzifə verildiyi təzə xəbər deyilmiş - AÇIQLAMA 5 Avqust 2020, 14:10 Baş Prokurorluqda yeni dəyişikliklər oldu - Bəzi idarə və şöbələr ləğv edildi 5 Avqust 2020, 14:00 Qoşunlarda yay tədris dövrü başlayıb 5 Avqust 2020, 13:56 Sabah Bakıda 30, rayonlarda 35 dərəcə isti olacaq 5 Avqust 2020, 13:53 Deputatdan parlamentdə sərt ÇIXIŞ: “120-140 manata virus testi olar?” 5 Avqust 2020, 13:47 Xocalı abidəsinin yeri dəyişdirildi 5 Avqust 2020, 13:41 Sərt karantinin tətbiq edildiyi yerlərdə məhkəmələr hansı qayda ilə keçiriləcək? 5 Avqust 2020, 13:36 Baş Prokurorluqda geniş əməliyyat müşavirəsi keçirilib 5 Avqust 2020, 13:28 Müavini Fəttah Heydərovdan DANIŞDI: “Heç kəs düşünmürdü ki, qəfil aramızdan gedəcək” 5 Avqust 2020, 13:27 Neft Beyrutdakı partlayışdan sonra BAHALAŞDI 5 Avqust 2020, 13:21 Baş Prokurorluq Seymur Əhmədov, Asif Yusifli, Fuad Qəhrəmanlı ilə bağlı məlumat yaydı 5 Avqust 2020, 13:18 Xarabaya çevrilən Beyrut limanının strateji əhəmiyyəti ... 5 Avqust 2020, 13:14 “Bu il əhaliyə ödənişlər ötən illə müqayisədə 450 milyon manat artıq olub” - Nazir 5 Avqust 2020, 13:12 Sahil Babayev: “Azərbaycan minimum pensiya məbləğinə görə MDB-də 1-ci yerdədir” 5 Avqust 2020, 13:00 Parlament büdcə dəyişikliyini 1-ci oxunuşda qəbul etdi 5 Avqust 2020, 12:56 Siyavuş Novruzov deputatları dövlətin yanında olmağa SƏSLƏDİ 5 Avqust 2020, 12:48 Aydın Mirzəzadə: “Ola bilər  190 manatlıq ödəniş 600 min deyil, 1 milyon insana verilsin” 5 Avqust 2020, 12:45 FHN-in çimərliklərdən istifadə ilə bağlı əhaliyə müraciət etdi - VİDEO 5 Avqust 2020, 12:42