Arxiv
23 Sentyabr 2019, 18:35 | AKTUAL
“Bakcell”in dəstəyilə  Buzovna çimərliyində genişmiqyaslı təmizlik aksiyası keçirilib - FOTOLAR  

Artıq 33 ildir dünyanın bir çox ölkəsi hər il sentyabrın 21-ni Beynəlxalq Sahilyanı Təmizlik Günü kimi qeyd edir. Bu, yer kürəsində su hövzələri sahillərinin tullantılardan təmizlənməsinə yönələn ən irimiqyaslı könüllü hərəkatıdır. Azərbaycan da  9 ildir ki, bu beynəlxalq ekoloji aksiyada iştirak edir və ildən-ilə aksiyanın miqyası genişlənir.

 

Bu ildə sentyabrın 21-i Buzovna çimərliyində təşkil olunan genişmiqyaslı təmizlik aksiyasına ölkənin bir sıra nüfuzlu şirkətləri, dövlət qurumları və qeyri-hökumət təşkilatları qoşulmuşdu.

 

Tədbirin təşkilatçıları ənənəvi olaraq “Coca-Cola”, "Bakcell", “PAŞA Bank” şirkətləri və “ASAN Könüllülük Məktəbi”nin “Yaşıl ASAN” təşəbbüsü ilə çıxış ediblər.

 

Aksiyanın partnyorları sırasında isə Ekologiya və Təbii Sərvətlər Nazirliyi, ABŞ-ın Azərbaycandakı səfirliyi, ADA universiteti, “AzEkol”, “Carlsberg Azerbaijan”, “Nargis” jurnalı, “ASAN Radio”, “Xəzər TV”, AFFA və Azərbaycan Velosiped İdmanı Federasiyası yer alıblar.

 

Modern.az xəbər verir ki, aksiya #Xəzəriqoruyaq şüarı altında Buzovna çimərliyində keçirilib.

 

Hər il çimərlik mövsümünün sonunda gənclərin, şirkət əməkdaşlarının, onların ailə üzvlərinin iştirakı ilə keçirilən sahilyanı təmizlik aksiyası ölkədə ekoloji durumun yaxşılaşdırılması, əhalinin maarifləndirilməsi və ətraf mühitə məsuliyyətlə yanaşma prinsiplərini təbliğ edir. Bütün aksiya iştirakçıları təşkilatçılar tərəfindən nəqliyyat, idman köynəkləri, sərinləşdirici içkilər və qida, həmçinin təmizlik ləvazimatları ilə təmin olunublar.

 

Tədbiri giriş sözü ilə  Ekologiya və Təbii Sərvətlər naziri Muxtar Babayev açıb.

 

Nazir bildirib ki,  bu, geniş vüsət almış bir hərəkatdır.

 

“Təkcə Xəzər sahilində yox, bütün dünyada bu təmizlik aksiyaları keçirilir. Nazirlik bütün yay uzunu Xəzəryanı sahənin təmizlənməsi aksiyasında çox aktiv olub. Sağ olun ki, belə böyük bir nümayəndə heyəti ilə bu tədbirə qoşulmusunuz. “ASAN Könüllülük Məktəbi” böyük nümayəndə heyəti ilə bu aksiyada iştirak edirlər. Həmçinin Avropa İttifaqının nümayəndələri, eləcə də səfirlər də bu tədbirə qoşulub”.

 

Nazir tədbirdə iştirak edən bütün təşkilat nümayəndələrinə təşəkkürünü bildirib və onları aktiv olmağa səsləyib.

 

Daha sonra “Asan Xidmət”in sədri Ülvi Mehdiyev çıxış edərək, belə aksiyaların keçirilməsinin çox gözəl təşəbbüs olduğunu bildirib.

 

“Mən ölkəmizin dünyanın rəmzi məna daşıyan günlərində aktiv iştirak etməyə çalışıram. Yay mövsümü bitdikdən sonra sahilyanı ərazilərin təmizlənməsi bir ənənə halını alıb. Burada 500-dən çox “Asan” könüllü böyük həvəslə iştirak edir. Yay ərzində çirkləndirdiyimiz ərazilərin təmizlənməsinin vaxtı çatıb. Sizlərin hər birinə uğurlar arzulayıram”.

 

Aksiyada iştirak edən Avropa İttifaqının Azərbaycandakı səfiri Kestutis Yankauskas iştirakçılara təşəkkürünü bildirib:

 

 “Avropa İttifaqı olaraq, gələcəyin təmiz və yaşıl olması barədə düşünürük. Biz çox xoşbəxtik ki,  tərəfdaşlığımızı sizin ölkə ilə birgə edirik. Plastik tullantıların çürüməsinə 100 ildən çox vaxt gedir. Plastik torbalardan cəmi 15 dəqiqə istifadə edirik. Onu atdıqdan sonra bu tullantı dənizdə balıqların qidası olur, sonra isə həmin balıqları özümüz və uşaqlarımız yeyir. Biz buna layiqikmi? Təmizlədiyimiz ərazilər həmişə təmiz olmasına çalışmalıyıq”.

 

Tədbirin ənənəvi təşkilatçılarından olan “Bakcell” şirkətinin  PR və korporativ kommunikasiya departamentinin rəhbəri Süheylə Cəfərova ilə də həmsöhbət olduq. S. Cəfərova qeyd edir ki, əvvəllər bu aksiyaya bu qədər adam, tərəfdaş cəlb etmək elə də asan deyildi, amma bu gün 1000-dən artıq iştirakçı var: “Son iki ildə artıq biz başqa şirkətlərdən bu hərəkata qoşulmaq üçün xahişlər alırıq. Bu, çox gözəl addımdır. Nə yaxşı ki, şirkətlərimiz, qurumlarımız bu tipli aksiyalarda yaxından iştirak etməkdə maraqlıdırlar. Həmçinin bizim üçün çox sevindirici haldır ki, bu ənənənin əsasını qoyan şirkətlərdən biriyik. Bu aksiya bizim gələcəyimizin sağlamlığı baxımından çox böyük önəm daşıyır. Şirkət olaraq bu təşəbbüsü dəstəkləməyə və hər il daha da genişləndirməyə hazırıq. Könüllük hərəkatına 30-a yaxın əməkdaşımız qoşulub. Hətta, ailələri gələn əməkdaşlarımız da var. Qeyd edim ki, həm korporativ təşkilat olaraq qoşulanların, həm də könüllülərin, gənclərin, ailələrin sayı artıb. Əslində bu, birlikdə vaxt keçirmək üçün, sosiallaşmaq üçün gözəl addımdır. Yəni burada məqsəd təkcə təmizləmək deyil, həm də sosiallaşmaq, təmiz havada gəzmək, daha çox insan tanımaq və ətraf mühit problemlərinin birlikdə həllinə çalışmaqdır. Əvvəllər 400-500 gəncdən, könüllüdən danışırdıq, indi bu aksiyaya gördüyünüz kimi minə yaxın iştirakçı qoşulub. Bu, digər tərəfdən, insanların ətraf mühitə münasibətini dəyişmək üçün bir təbliğat kampaniyasıdır”.

 

Coca-Cola” şirkətinin region üzrə İctimaiyyətlə əlaqələr meneceri Elşad Fərzəliyev bu il bu hərəkata qoşulan tərəfdaşların sayında artım olduğunu vurğuladı: “Aksiyanın məqsədi ilk növbədə sahilyanı əraziləri tullantılardan təmizləməkdir. İkincisi isə, vətəndaşlar arasında ekoloji məsuliyyət hissini aşılamaqdır ki, insanlar təbiətimizə daha diqqətli, qayğı ilə yanaşsınlar. Xəzər dənizi hamımızın milli sərvətidir, onu çirkləndirməsinlər. Bu dəfə aksiyamıza ölkəmizdə qonaq olan əcnəbilər də, diplomatlar da qoşulub. İldən-ilə iştirakçıların sayı artır. İlk dövrlərdə 20-30 nəfərlə başladığımız bu aksiyada artıq 1000-ə yaxın adam iştirak edir. Ümid edirik ki, bu addımla daha geniş kütlə arasında ekoloji məsuliyyət hissi artacaq”.

 

“Bakcell” digər nümayəndəsi Torsten Albers isə   aksiyaya öz ailəsi ilə qatılıb: “Mən çox şadam ki, Bakı sakinləribelə bir təşəbbüsü dəstəkləyir. Bakcell artıq 6-cı ildir ki, bu təşəbbüsə qoşulub. Mən aksiyaya ailəmlə birlikdə qoşulmuşam. İnanıram ki, sahillərin təmizlik problemi bütün dünyada tezliklə həll olunacaq”.

 

Aksiyada iştirak edən  Litva səfirinin müavininin xanımı bu təşəbbüsü dəstəklədiklərini və aksiyanın beynəlxalq əhəmiyyət daşımasını yüksək qiymətləndirdiyini deyib.

 

“Oğlum Anas ilə bu aksiyada iştirak edirik. Düşünürəm ki, insanlar sahilyanı əraziləri qorumaqla həm də özlərinin sağlamlığını qorumuş olurlar. Çalışıb tullantıları dənizə deyil, lazım olan yerlərə atmaq lazımdı”.

BU KATEQORİYADAN OLAN DİGƏR XƏBƏRLƏR
+ Arxiv
Yerə doğru təhlükəli asteroid yaxınlaşır 2 İyun 2020, 08:00 İsmayıllıda meşədə itən oğlan TAPILDI 2 İyun 2020, 07:50 Nyu-York ştatında komendant saatı tətbiq olunur 2 İyun 2020, 00:55 Bakı Şəhər Dövlət Yol Polisi İdarəsinə yeni rəis müavini təyin edildi 2 İyun 2020, 00:38 Helikopter qəzasında 4 nəfər öldü 2 İyun 2020, 00:23 Bulvarda şəkil çəkmək istəyən gənc dənizə düşdü 2 İyun 2020, 00:07 Azərbaycanda koronavirusla bağlı son STATİSTİKA 1 İyun 2020, 23:52 Etirazçılara qarşı bunu da etdilər - VİDEO 1 İyun 2020, 23:39 Paytaxtda COVID-19 qurbanlarının sayı 2624-ə çatdı 1 İyun 2020, 23:24 Xırdalanda kişi yaşadığı binanın qarşısında bıçaqlanıb 1 İyun 2020, 23:11 Avropa Olimpiya Komitəsinin prezidenti öldü 1 İyun 2020, 22:54 “ÜST vasitəsilə  yardıma ən çox ehtiyacı olan 15 ölkəyə dəstək göstərəcəyik” - İlham Əliyev 1 İyun 2020, 22:40 Bakıda motosiklet yük maşınına çırpıldı 1 İyun 2020, 22:27 Azərbaycan prezidenti: “Azərbaycanın vaxtında gördüyü tədbirlər sayəsində biz minimum itki vermişik” 1 İyun 2020, 22:16 Qənirə Paşayeva 500 Tovuz məktəblisinə kitab hədiyyə edib 1 İyun 2020, 22:11 “Dörd ay ərzində qeyri-neft sənayesində 16 faizdən çox artım müşahidə olunub” - İlham Əliyev 1 İyun 2020, 22:04 “Hazırda biz yeni layihələr üzərində işləyirik” - Prezident 1 İyun 2020, 21:53 ABŞ-da küçəyə çıxma qadağası 1 İyun 2020, 21:44 Türkiyədə sutkalıq COVİD-19 qurbanlarının sayı  23 nəfərədək azaldı 1 İyun 2020, 21:28 "Qarabağ" məşqləri bərpa etdi 1 İyun 2020, 21:16 Bu ölkədə koronavirus qurbanlarının sayı 33 475-ə çatdı 1 İyun 2020, 21:04 Goranboyda taxıl biçininə start verildi - FOTO 1 İyun 2020, 20:48 Ermənistanda ağır vəziyyətdə olan 500 koronaviruslu xəstə var 1 İyun 2020, 20:38 Sosial şəbəkələrin fəaliyyətinin hüquqi müstəvidə tənzimlənməsi aktualdır 1 İyun 2020, 20:25 Azərbaycanda sabiq bələdiyyə sədrini döyüb xəstəxanalıq etdilər 1 İyun 2020, 20:14 Atışmada iki hərbçi öldü 1 İyun 2020, 20:01 Putinlə Tramp telefonla danışdılar 1 İyun 2020, 19:57 AFFA mövsümü dayandırdı - çempion bəlli oldu 1 İyun 2020, 19:48 Milli Məclis müsabiqə elan etdi 1 İyun 2020, 19:39 Mərkəzi Bankdan TƏKZİB: “Qeyd olunan məlumat həqiqəti əks etdirmir” 1 İyun 2020, 19:30 Heydər Əliyev Fondundan azyaşlılara bayram hədiyyələri - Fotolar 1 İyun 2020, 19:20 UNEC-də bəzi kafedra və fakültələr ləğv edildi 1 İyun 2020, 19:10 Qapıları 70 gün müştərinin üzünə bağlı qalan “Mall”lardan FOTOREPORTAJ 1 İyun 2020, 19:00 Azərbaycanda koronavirus testindən keçənlərin sayı 300 mini keçdi - RƏSMİ 1 İyun 2020, 18:52 Litva Prezidenti İlham Əliyevi təbrik edib 1 İyun 2020, 18:44