Suriyada keçirilən “Barış pınarı” antiterror əməliyyatı fonunda ABŞ-Türkiyə münasibətləri pisləşməkdə davam edir.
Modern.az xarici KİV-ə istinadən xəbər verir ki, ötən gün Dövlət Deparatamenti və Energetika Nazirliyi Pentaqon nümayəndələri ilə görüşüb. Görüşdə Türkiyədə yerləşən və ABŞ-a məxsus “İncirlik” aviabazasındakı 50 taktiki nüvə bombasının çıxarılması müzakirə olunub.
ABŞ hakim dairələri bu addımın Ankara-Vaşinqton münasibətlərinin faktiki sonu olacağını düşünür. Türkiyə oktyabrın 9-da Suriyanın şimal-şərqində hərbi əməliyyatlara başlayıb. Ankara “Xalq Özünümüdafiə Dəstələrini” (YPG) və “Suriya Demokratik Qüvvələri” ni (SDF) öz sərhədlərindən kənara çəkməyi planlaşdırdığını bəyan edib.
ABŞ Türkiyənin Müdafiə Nazirliyi və Energetika Nazirliyinə qarşı sanksiyalar tətbiq edib. Müdafiə naziri Hulusi Akar, energetika naziri Fatih Dönməz, daxili işlər naziri Süleyman Soylu sanksiya siyahısına düşüb.
