Jurnalist Sevinc İsgəndərova Azərbaycan Texniki Universitetinə mətbuat katibi vəzifəsinə təyin olunub.
Bu barədə Modern.az-a S.İsgəndərova özü məlumat verib:
“Bu gündən fəaliyyətimi Azərbaycan Texniki Universitetinin mətbuat katibi olaraq davam etdirirəm. Ümid edirəm ki, həmkarlarımla qarşılıqlı anlaşma şəraitində çalışacağıq”.
S.İsgəndərova göstərilən etimada görə universitetin rəhbərliyinə minnətdarlığını bildirib:
"Etimadi doğrultmağa çalışacağam".
Qeyd edək ki, S.İsgəndərova bu təyinatadək "Space" televiziyasında çalışıb - "Siqnal" və "Abituriyent" verilişlərinin aparıcısı olub, "Azərtac" İnformasiya Agentliyində, Beynəlxalq Avrasiya Mətbuat Fondunda, "Primetime.az" və "Day.az"da fəaliyyət göstərib.