Musa Urudun növbəti görüşü Yeni İrəvanda oldu.
Yeni Azərbaycan Partiyasından deputatlığa namizəd Musa Quliyevin seçicilərlə məhəllələrdə görüşləri davam edir.
Modern.az xəbər verir ki, 40 saylı Kəpəz ikinci (Gence) Seçki Dairəsindən deputatlığa namizəd Musa Quliyev yanvarın 24-də Yeni İrəvan məhəlləsində sakinlərlə görüşüb.
Deputatlığa namizəd ölkəmizin son illərdəki uğurlarından danışmış, dövlət başçısının apardığı uğurlu siyasət barədə məlumat vermişdir. Musa Quliyevin deputat dövründəki fəaliyyəti haqqında hesabat xarakterli çıxışı maraqla qarşılanmışdır.
Səmimi keçən görüşdə seçicilər ölkəmizdəki sabitlik və inkişafdan danışmış, dövlətin onlara göstərdiyi diqqət və qayğının yüksək olduğunu qeyd etmişlər.
Məhəllə sakinləri Yeni Azərbaycan Partiyasının siyasi kursunu dəstəklədiklərini və ölkə rəhbərliyinin siyasətini dəstəklədiklərini bildirmişlər.
