Arxiv
19 Fevral 2020, 18:10 | AKTUAL
Əbülfəs Qarayev Böyük Britaniyada görüşlər keçirib

Azərbaycanın Mədəniyyət naziri Əbülfəs Qarayev Böyük Britaniyaya səfəri çərçivəsində Koventri Universitetində “Yaradıcı sənayelər: imkanlar və çağırışlar” mövzusunda mühazirə ilə çıxış edib.

 

Mədəniyyət Nazirliyindən Modern.az-a verilən məlumata görə, Ə.Qarayevi universitetin tələbələrinə təqdim edən Koventri Universitetinin Sülh, Etimad və Sosial Münasibətlər Mərkəzinin rəhbəri professor Maykl Hardi ilk öncə Azərbaycan tərəfindən həyata keçirilən “Bakı Prosesi” təşəbbüsü, Ümumdünya Mədəniyyətlərarası Dialoq Forumu və qlobal müxtəlifliyin idarəolunması proseslərində Azərbaycanın rolu barədə tələbələrə məlumat verib. O qeyd edib ki, hazırda Azərbaycan Respublikasının Mədəniyyət Nazirliyi tərəfindən bir sıra istiqamətlərdə uğurlu işlər həyata keçirilir ki, onlardan ən mühüm istiqamət ölkədə yaradıcı sənayelərin inkişafı ilə bağlı mövcud məsələlərin həlli və strategiyaların formalaşdırılmasıdır. M.Hardi bildirib ki, Koventri Universitetin fəxri doktoru və ziyarətçi professoru olan Əbülfəs Qarayev bu sahədə tələbələrlə fikirlərini bölüşmək məqsədilə universiteti ziyarət edib.

 

Daha sonra Ə.Qarayev Azərbaycan tərəfindən mədəniyyət sahəsində həyata keçirilən çoxsaylı layihələr və bu istiqamətdə yeni bir çağırış olan yaradıcı iqtisadiyyatın formalaşdırılması ilə bağlı tələbələr qarşısında mühazirə ilə çıxış edib. Nazir qeyd edib ki, Azərbaycan bir çox istiqamətlərdə mühüm addımlar atıb, hazırda dünyanın mədəniyyətlərarası dialoq mərkəzinə çevrilib. Ümumdünya Mədəniyyətlərarası Dialoq Forumu BMT-nin baş katibi tərəfindən dünyada ən vacib qlobal platforma elan edilib. Nazir bildirib ki, son 20 ildə Böyük Britaniyada xüsusilə inkişaf edən mədəniyyət, texnologiya və iqtisadiyyatın uzlaşmasından ibarət yeni sənaye növü olan yaradıcı sənayelər ölkələrin iqtisaiyyatında mühüm rol oynayır. Nazir hazırda dünyada vacib istiqamətlərdən biri olan bu sənayenin ən inkişaf etmiş regionlarının Cənub-Şərqi Asiya, Avropa və Amerika olduğunu bildirərək Azərbaycanda da bu istiqamətdə layihələrin həyata keçirilməsinə başlandığını bildirib. O, “Kreativ Azərbaycan” portalının təsis edildiyini və yaradıcı sənaye sahəsində fəaliyyət göstərən şirkət və fərdlərin bu portal vasitəsilə Mədəniyyət Nazirliyi ilə əlaqə yaratdığını qeyd edib. Bununla yanaşı Ə.Qarayev yaxın zamanda “Kreativ Azərbaycan Könüllülər Hərəkatı”nın da təsis ediləcəyini və Mədəniyyət Nazirliyi tərəfindən yaradıcı sənayelərin inkişafına dair İnkişaf Proqramının hazırlanması istiqamətində iş aparıldığını vurğulayıb. Qeyd edib ki, bu istiqamətdə Britaniya Şurası (British Council) və Britaniyanın digər aidiyyəti təşkilatları ilə əməkdaşlıq edilir. Mühazirədən sonra tələbələrin sualları cavablandırılıb.

 

Həmin gün nazir Əbülfəs Qarayev Böyük Britaniyanın yaradıcı sənayelərin inkişafında xüsusi töhfəsi olan “Yaradıcı İngiltərə” (Creative England) təşkilatının rəhbəri, eyni zamanda Yaradıcı Sənayelər Federasiyasının rəhbərliyində təmsil olunan Karolin Norburi (Caroline Norbury) ilə görüşüb. “Yaradıcı İngiltərə” hazırda İngiltərədə sənaye sahələri ilə biznes qurmaq istəyən, həmçinin investisiya qoyan və investisiya axtarışında olan insanlar arasında körpü rolunu oynayır. Bu təşkilatın əsas funksiyalarından biri məhz yaradıcı sənayelərin inkişafında dövlətə dəstək olmaqdır. Təşkilat çoxsaylı layihələr həyata keçirir ki, bu layihələr xüsusilə gələcək iqtisadiyyatın ən mühüm istiqamətləri hesab olunur.

 

“Yaradıcı İngiltərə”-nin rəhbəri təşkilat barədə ətraflı məlumat verib və təşkilatın öz təcrübəsini Azərbaycanla bölüşməyə hazır olduğunu bildirib. O, hazırda təşkilat tərəfindən yaradıcı sənaye sahəsinin problemlərinin araşdırıldığını və dövlət qurumları qarşısında qaldırıldığını qeyd edib. K.Norburi dövlət və özəl sektor nümayəndələrinin Yaradıcı Sənayelər Federasiyasında birgə təmsil olunduğunu, “Yaradıcı İngiltərə” təşkilatının da bu federasiyada təmsil olunduğunu və yaradıcı sənayenin problemlərinin bu federasiya vasitəsilə dövlət qarşısında qaldırıldığını qeyd edib.

 

Nazir Ə.Qarayev bildirib ki, yaradıcı sənayedə mövcud olan problemlərin araşdırılması və biznes strukturları ilə əlaqələrin yaradılmasına dəstək məqsədilə Azərbaycanda Kreativ Biznes Mərkəzinin açılması nəzərdə tutulub. Bununla yanaşı, nazir Azərbaycan Respublikasının İqtisadiyyat Nazirliyinin tərkibində Kiçik və Orta Biznesin İnkişafı Agentliyinin yaradılması barədə məlumat verib. Qeyd edib ki, agentliyin yaradılması yaradıcı sənayenin inkişafına öz töhfəsini verəcəkdir.

 

Görüşün sonunda “Yaradıcı İngiltərə” və Britaniya Şurasının nümayəndələrinin Azərbaycana səfər etməsi və əməkdaşlığın istiqamətlərini müəyyən edəcək Yol Xəritəsinin hazırlanması razılaşdırılıb.

BU KATEQORİYADAN OLAN DİGƏR XƏBƏRLƏR
+ Arxiv
Prezidentdən 13400 nəfəri sevindirəcək SƏRƏNCAM 31 mart 2020, 11:22 “Topal” ləqəbli narkotacir saxlanılıb 31 mart 2020, 11:21 MSK-ya maliyyə hesabatı verən siyasi partiyalar - SİYAHI 31 mart 2020, 11:10 Azərbaycan nefti hazırda bu qiymətə satılır 31 mart 2020, 11:03 Binəqədidə 3 ədəd yeni müasir dərman səpən aparat alınıb - FOTO 31 mart 2020, 11:00 Dövlət krediti olanlara belə dəstək olacaq 31 mart 2020, 10:54 Xarici İşlər Nazirliyi “soyqırımı bəyanatı” verdi 31 mart 2020, 10:48 Ceyhun Bayramov prorektoru işdən çıxardı 31 mart 2020, 10:45 İnsan özünə ya həkimdir, ya qənim 31 mart 2020, 10:40 Aprel döyüşlərində şəhid olan Milli Qəhrəmanın DOĞUM GÜNÜDÜR 31 mart 2020, 10:35 “Koroğlu”-“28 May” xəttinə 18 metrlik avtobuslar ÇIXARILDI 31 mart 2020, 10:30 BMT Təhlükəsizlik Şurası maya qədər videokonfrans rejimində çalışacaq 31 mart 2020, 10:24 Milli Məclis sədrinin köməkçisi vəzifəsindən azad edildi 31 mart 2020, 10:19 Neftin qiyməti bahalaşır 31 mart 2020, 10:11 Pandemiyadan zərər çəkən sektorlar müəyyənləşdirilib - 12 sahəyə dəstək veriləcək 31 mart 2020, 10:03 İlham Əliyevdən soyqırımı paylaşımı 31 mart 2020, 09:59 ABŞ-da koronavirusdan ilk hərbçi öldü 31 mart 2020, 09:53 Qazaxda olan son vəziyyətlə bağlı deputatdan AÇIQLAMA 31 mart 2020, 09:48 Lerikli sahibkardan örnək addım - Rayonda karantində olanlar üçün inək kəsdi 31 mart 2020, 09:42 “Uğurlu siyasət nəticəsində Dağlıq Qarabağ tezliklə işğaldan azad olunacaq” - Millət vəkili 31 mart 2020, 09:36 Dollar və manatın bugünkü məzənnəsi 31 mart 2020, 09:30 Ermənilərin Qafqazda törətdikləri qırğın və talanlar 31 mart 2020, 09:24 Cəbhədə gərginlik səngimir: atəşkəs 22 dəfə pozulub 31 mart 2020, 09:17 100 yaşlı Nənəxanım nənə: “Camaatı yığdılar məscidə, od vurub yandırdılar” - Zəngəzur HADİSƏLƏRİ 31 mart 2020, 09:11 ABŞ koronavirusa təslim olur - Bir gündə 20 min yoluxma, 600-ə yaxın ölüm 31 mart 2020, 09:04 Dünənki təxribat zamanı Ermənistanın iki hərbçisi yaralanıb 31 mart 2020, 08:39 Vaşinqtonda yaşayan azərbaycanlı jurnalist: “Amerikalılar azərbaycanlılardan fərqli olaraq qaydalara əməl edir” - MÜSAHİBƏ 31 mart 2020, 08:16 Koronavirusla bağlı SON STATİSTİKA - 200-cü ölkə, 784 min yoluxma, 37 min ölüm 31 mart 2020, 04:10 Merkel koronavirusa görə üçüncü dəfə test verdi 31 mart 2020, 00:53 ABŞ-da 153 min insan koronavirusa yoluxdu 31 mart 2020, 00:43 Bu gündən Azərbaycanda küçəyə çıxmaq MƏHDUDLAŞDIRILIR 31 mart 2020, 00:31 Mehriban Əliyevadan soyqırımı paylaşımı 31 mart 2020, 00:21 İranda koronavirusa qarşı dərman hazırlandı 31 mart 2020, 00:09 31 mart Soyqırımı - 1 milyonadək azərbaycanlı məhv edilib 31 mart 2020, 00:00 27 polis koronavirusa yoluxdu 30 mart 2020, 23:56