Modern.az

Lənkəranın icra başçısı Sütəmurdov kəndində sakinlərlə görüşdü

Lənkəranın icra başçısı Sütəmurdov kəndində sakinlərlə görüşdü

Aktual

28 Fevral 2020, 11:42

Ölkə Prezidentinin vətəndaş müraciətlərinə baxılmasına diqqətin artırılması ilə bağlı qarşıya qoyduğu tapşırıqlar Lənkəran Şəhər İcra Hakimiyyəti başçısı aparatının fəaliyyətinin əsas istiqamətlərindən birini təşkil edir. Şəhər İcra hakimiyyətində keçirilən qəbullarla yanaşı İcra başçısı sakinlərin rahatlığı üçün  qabaqcadan elan olunmuş  qrafikə uyğun olaraq ayrı-ayrı yaşayış məntəqələrində də səyyar qəbul-görüşlər  keçirib narahatlıq yaradan problemlərlə tanış olur və onların həlli ilə bağlı lazımi tədbirlər müəyyənləşdirir.

 

Bu barədə Modern.az-a Lənkəran İcra Hakimiyyətindən bildirilib.

 

Qeyd olunub ki, növbəti belə səyyar  görüş-qəbul fevralın 27-də rayonun Sutamurdov kəndində keçirilib.

 

Şəhər İcra hakimiyyəti başçısı aparatının, hüquq-mühafizə orqanlarının, təhsil, səhiyyə, mədəniyyət şöbələrinin və xidmət idarələrinin rəhbərlərinin iştirakı ilə keçən səyyar görüş-qəbuldan sakinlər məmnun qaldıqlarını ifadə ediblər. İcra başçısı sakinlərin qaldırdığı məsələləri, irəli sürdükləri təklifləri həssaslıqla dinləyərək  onların həlli ilə əlaqədar aidiyyəti məsul şəxslərlə birgə konkret tədbirlər müəyyənləşdirib.

 

Çıxış edən sakinlər əvvəlki qəbullar zamanı qaldırdıqları məsələlərin həlli ilə bağlı görülən işləri yüksək qiymətləndiriblər.

 

Çıxışlarda son illərdə sosial-iqtisadi inkişaf və mədəni quruculuq sahəsində rayonda və inzibati ərazi dairəsində görülən işlərə, xüsusilə gənclərin daha çox arzuladığı Olimpiya İdman Kompleksinin tikilib istifadəyə verilməsinə, əhalinin fasiləsiz elektrik enerjisi, təbii qaz, rabitə, genişzolaqlı internetlə təchizata, içməli su xəttinin çəkilməsinə, yeni iş  yerlərinin açılmasına və sakinlərin həyat şəraitinin yaxşılaşdırılması üçün həyata keçirilən digər işlərə  görə ölkə rəhbərliyinin ünvanına çoxsaylı minnətdarlıqlar ifadə olunub. Görüş-qəbulu yekunlaşdıran İcra başçısı sakinlərin qaldırdıqları məsələlərin vaxtında həllinin təmin olunması ilə bağlı bir daha aidiyyəti məsul şəxslərə tövsiyyə və tapşırıqlarını verib.

 

Facebook
Dəqiq xəbəri bizdən alın!
Keçid et
Ukrayna ordusu dəhşət saçdı: Rusiya ərazisi vuruldu