2020-ci il yanvarın 1-i vəziyyətinə iqtisadi fəal əhalinin sayı 5190,1 min nəfər olub, onlardan 4938,5 min nəfərini ya 95,2%-ni məşğul əhali təşkil edib.
Modern.az-ın məlumatına görə, bu barədə Nazirlər Kabinetinin 2019-cu ildə fəaliyyəti haqqında icmal hesabatında bildirilib.
Qeyd edilib ki, hesabat ilində ölkədə işsizliyin səviyyəsi 4,8% təşkil edib:
“2020-ci ilin yanvarın 1-i vəziyyətinə muzdla işləyənlərin sayı 1645,4 min nəfər, o cümlədən iqtisadiyyatın dövlət sektorunda 914,5 min nəfər, qeyri-dövlət sektorunda isə 730,9 min nəfər təşkil edib.
2019-cu ilin məlumatlarına əsasən bir işçiyə düşən orta aylıq işlənmiş iş saatlarının miqdarı 151,8 saat təşkil edib. 2020-ci il yanvar ayının 1-i vəziyyətinə məşğulluq xidməti orqanlarında qeydiyyata alınmış işsiz şəxslərin sayı 81,3 min nəfərdir. İşsizlikdən sığorta ödənişinin orta məbləği 276,4 manat olub”.
