Modern.az

“Subay oğlunu müharibədə itirən axund azan səsinə rəqs etdikdən sonra cənazəni yumağa başladı”

“Subay oğlunu müharibədə itirən axund azan səsinə rəqs etdikdən sonra cənazəni yumağa başladı”

30 May 2020, 13:50

Modern.az yazıçı Tural Turanın bir cümləlik hekayələrini təqdim edir:

 

***

İlk qonorarımla atama alışqan, anama ətir, bacıma corab, yazıçı olmaq istəyən qardaşıma saat və qələm alıb qəbiristana - ailə məzarlığımıza getdim.

 

***

Anamın “kulaçino” xəstəliyinə görə 12 yaşımdan evdə çay və su içməyi tərgitdim.

 

***

Hər gecə yuxudan hövləng ayılır, tanrı ilə bir-iki qədəh şərab içir, sonra yenə yatırdım.

 

***

18 yaşlı sərhədçinin bütün ailə üzvləri müharibədə erməni millətçiləri tərəfindən öldürülmüşdü.

 

***

3 kvadratmetrlik bir kişi saç salonuna girdim və bütün divarlarında çılpaq qadın şəkilləri...

 

***

Son nəfəsimdir və möhtəşəmlik çökür...

 

***

O, arvadının ölümündən sonra özünü azadlıqdan məhrum etmişdi...

 

***

Övlad qatili Abdullətifov məhkəmənin qərarı ilə keçmiş həyat yoldaşına verilmiş 6 yaşlı oğlunu öldürdükdən sonra övladının çarpayının üstündəki şəklini götürüb otaqdan çıxdı.

 

***

Subay oğlunu müharibədə itirən axund azan səsinə rəqs etdikdən sonra cənazəni yumağa başladı.

 

***

Qurban bayramı günü kəsəcəyimiz toğlunu parçalayan canavar gözünü bizdən çəkmədən yeddi körpə balası ilə onun içalatını didişdirirdi...

 

***

Əslində çılpaq fahişə bədənləri hər gün onlarla bədbəxt kişinin oxumağa çalışdığı əski yazılı daş abidələrdir.

 

***

Ekspertin onun cibindən tapdığı kağız parçasında - ölüm insanın tanrı qarşısında sonuncu gedişidir - yazılmışdı.

 

Tural Turan

Whatsapp
Bizə yazın!
Keçid et
Rusiyada ağır döyüşlər: Ukrayna partizanları əraziləri bombalayır