Koronovirus Venesiya kinofestivalının keçirilməsində maneə olmayacaq.
Modern.az xəbər verir ki, sentyabrda baş tutacaq kinofestivalda məşhur ulduzların iştirakı gözlənilir. Kann və “Oskar” kinofestivalları da daxil olmaqla bir sıra nüfuzlu mədəni tədbirlər təxirə salınsa da, Venesiya kinoforumunun təşkilatçıları bu tədbiri planlaşdırdıqları kimi keçirəcəklərini bildiriblər.
Veneto regionunun qubernatoru Luka Zayanın sözlərinə görə, festival sentyabrın 2-dən 12-nə kimi “eksperimental” formatda baş tutacaq. O, məhz hansı aspektlərin eksperimental olduğunu deməsə də, premyeraların virtual olmayacağını söyləyib. Amma film baxışlarının sayı azalacaq. Çünki kinematoqrafşıların bəziləri təcridolunma tədbirləri üzündən filmlərini tamamlaya bilməyiblər.
