22 Sentyabr 2020, Çərşənbə axşamı
Arxiv
26 May 2012, 13:08 | İQTİSADİYYAT
Baxdığınız telekanallar sizi nə ilə cəlb edir? - MARAQLI

Hansı telekanallara baxırsınız, niyə, onlar hansı xüsusiyyətlərinə görə sizi cəlb eləyib? Modern.az saytının əməkdaşı bu sualla respondentlərə müraciət edib. Cavablara baxaq...

“Xalq Cəbhəsi “ qəzetinin baş redaktoru, şair Elçin Mirzəbəyli həm yerli, həm də xarici telekanalları izlədiyini söylədi: “Yerli telekanallardan daha çox İctimai TV, “Lider”, “Xəzər”, ANS TV-ni, xaricilərdən isə CNN, “Euronews”, NTV Türkiyə, NTV Rusiya kanallarını daim diqqətdə saxlayıram. Hər telekanalda bir neçə xoşuma gələn veriliş olduğu üçün izləyirəm. İctimai TV-nin əksər proqramlarını, xüsusilə də analitik proqramlarını, “Xəbərlər”i, “Yeni gün”ü, “Lider”  TV-nin analitik proqramlarında beynəlxalq məsələlərə həsr olunmuş təhlilləri, ANS-in “Xəbərçi”sini, “Xəzər” TV-nin analitik proqramlarını izləməyə çalışıram“.

Media eksperti Azər Həsrət daha çox Türkiyə telekanallarına baxır: “Avropa kanallarından isə tez-tez “Euronews”a baxıram. Azərbaycan kanallarından baxdığım yalnız İTV-dir. Digərlərinə nadir hallarda baxıram. Türkiyə kanallarındakı fikir plüralizmi diqqətimi çəkdiyi üçün onlara üstünlük verirəm. “Euronews”da isə dünya xəbərlərini izləmə imkanım olur. Çox zaman Azərbaycan kanallarında nələr verildiyindən heç xəbərim də olmur. Təbii ki, günah məndə deyil, o kanalların özündədir. Tamaşaçını itirmək onların problemidir”.

Dünya Gənc Türk Yazarlar Birliyinin başqanı Əkbər Qoşalı həm yerli, həm də xarici kanalları izlədiyini dedi: “Yerli kanallardan İTV-ni, ANS-i, ölkədışından isə daha çox Türkiyə, qismən də digər türksoylu xalqlara məxsus TV-ləri, habelə gərəkli məqamlarda rus kanallarını izləyirəm. Özəllik məsələsinə gəldikdə, sizə deyim ki, burada daha çox doğruluq, tərəfsizlik əmsalı yuxarı olan bilgi əldə etmə öndə dayanır. Türk Dünyası ilə bağlı olayları, türk xalqlarının tarixi, etnoqrafiyası, bugünü və sabahı ilə bağlı maraqlı məqamları qaçırmamaq istəyini də  vurğulaya bilərəm. Bir də, doğal olaraq, ədəbiyyata, sənətə xidmət edən verilişlərə biganə qala bilmərəm”.

Yazıçı, kulturoloq Aydın Xan Əbilov isə heç bir TV kanalını izləmədiyini söylədi: “Mən telekanallara baxanlardan yox, ekspert kimi pulsuz-parasız çəkilənlərdənəm. Azərbaycan efiri biabırçı durumdadır və əgər intellektual-estetik səviyyənizi qorumaq istəyirsizsə, televiziyanı özünüzə qadağan edin!“ .

“Ədalət” qəzetinin baş redaktoru İradə Tuncay ümumiyyətlə TV-yə baxmadığını qeyd etdi: “Mən TV-lərə baxmıram. Bəzən rus kanallarından bəlgəsəlləri izləyirəm”.

Yazıçı, publisist Həmid Herisçi tam olaraq yerli TV-lər haqqında danışmadı: “Mən səhərlər adətən daha çox klassik musiqi verən “İNTERMEZZO” telekanalına baxıram”.

Jurnalist Elşad Məmmədli Azərbaycan telekanallarına demək olar ki, baxmadığını söylədi: “Çox az hallarda hansısa verilişə peşə fəaliyyətim tələb etdikdə zorən baxıram. Çünki yerli televiziyalarda ciddilik və yaradıcılıq görmürəm. Ritorik səslənsə də, Azərbaycan telemekanında yalnız "Qulp" verilişini ciddi hesab edirəm. Çünki orada Mübariz bəy müəyyən sözləri zarafata salıb deyir. Necə deyərlər, sözün düzün zarafatda deyərlər. Ölkədə və dünyada baş verənləri internetdən və müstəqil qəzetlərdən oxuyuram. İş-gücdən vaxtım olanda bir neçə xarici telekanala baxıram: Türkiyənin NTV və "Yaban TV" kanalına, Rusiyanın “Vesti” kanalına”.

Söz Azadlığı Müdafiə Fondunun əməkdaşı Nəzirməmməd Zöhrablı telekanalları izləyir: “Xarici kanallara nadir hallarda baxa bilirəm. Yerli kanallardansa əlahiddə şəkildə daimi tamaşaçısı olduğum demək olar ki yoxdu. Xoşladığım, təqdir etdiyim verilişlər var. Onların sayı da barmaqla sayılacaq qədərdi. Xəbərlərə əsasən İTV, ANS, “Xəzər”  kanallarında baxıram. Düzdü, təkrarçılıq - hətta əksərən təqdimatlarında da belə təkrarçılıq adamı yorur. Təkrarçılıqlardan bezəndə "həmin vaxtda niyə bir xarici ədəbiyyat oxumadım?" deyə heyfsilənirəm.
Mövzularının dəyərliliyinə görə İTV-nin “Ortaq Məxrəc”, "Səhər sovqat"ı verilişinin daimi tamaşaçısıyam. ANS-in "Ağıl dəryası" intellektual verilişinə mütləq uşaqlarımla birgə baxmağa çalışıram. Şou proqramlardan Murad Dadaşovun bəzi verilişlərini xoşlamışam. Bu şoumenin intellektual tutumundan lazımınca istifadə olunmadığı qənaətindəyəm. Fikrimcə, onu Azərbaycanın tarixinə dair proqramların intellektual-şou variantlarına cəlb etsələr, yaxşı nəticə alınar. O özü də bu zaman Azərbaycan tarixinin, milli-mənəvi dəyərlərinin XX əsrin əvvəllərindən də uzaqlarda olduğunun fərqinə varıb, intellektual-şou calağı ilə insanları daha çox maarifləndirə bilər. Azər Axşamın verilişləri nisbətən maraqlı alına bilər. Əlbəttə ki, qoyulan mövzular "mahnıların sözlərini tərsinə oxumaq" sindromundan xilas ola bilsə. Verilişlərin ən böyük çatışmazlığı isə müğənni həyatı, müğənni baxışlarından o tərəfə keçə bilməməsindədir. Qaldı ki, "toy, evlənmək verilişləri, kral seçkiləri"nə həsr olunan proqramlara, mənim onlara sərf olunan vəsaitlərə, onlara itirilən dəqiqələrə, saatlara heyfim gəlir“.

Yazıçı Zümrüd Yağmur yerli TV-lərə baxmır, milli kanallardakı şou proqramları səviyyəsiz hesab edir: “Rus və Türkiyə kanallarını izləyirəm. Çünki bu kanallardan mənə maraqlı olan həm ictimai, həm də siyasi, eləcə də ədəbi proqramlar verilir. Eyni zamanda qadın problemlərini özündə əks etdirən, ciddi müzakirələrin getməsi ilə dəyərli fikirlərin ortaya çıxmasını izləmək daha məqsədəuyğundur, deyə düşünürəm”.

“Yeni Musavat” qəzetinin baş readaktoru Rauf Arifoğlu işdə olanda da televiziya kanallarını açıq tutmağa çalışdığını söylədi: “Xəbər məkanından məlumatım olsun deyə, daim izləməyə çalışıram. Əsasən xəbər yayımı olan TV kanallarını izləyirəm. Xarici kanalları da vaxt tapdıqca izləyirəm. Yerli kanalların isə bildiyimə görə xəbər texnikaları yoxdu və o baxımdan da ancaq məlumat yayan bəzi saatlarda izləməyə çalışıram. Bir də həftə ərzində Türkiyə telekanallarından bəzi seriallara baxıram. Məsələn, elə “Kurtlar Vadisi Pusu” serialıını deyə bilərərm” .

Modern.az

BU KATEQORİYADAN OLAN DİGƏR XƏBƏRLƏR
+ Arxiv
“...mənim adım Bobikdir” 22 Sentyabr 2020, 11:10 Azərbaycandan Qazaxıstana daha 46 nəfər təxliyə olundu 22 Sentyabr 2020, 11:05 Azərbaycana daxil olan valyutanın həcmi AZALIB 22 Sentyabr 2020, 11:00 XİN-in həbsdə olan sabiq idarə rəisi ev dustaqlığına buraxılmasını istəyir 22 Sentyabr 2020, 10:54 "Almaniyada Türkologiya" mövzusunda vebinar - Alman professorun təqdimatında 22 Sentyabr 2020, 10:48 Ermənistan Madrid prinsiplərindən imtina edir? 22 Sentyabr 2020, 10:43 İcbari Tibbi Sığorta UNEC-lə memorandum imzaladı 22 Sentyabr 2020, 10:38 Oslo şəhərində Nizami Gəncəvi adına həftəsonu Azərbaycan məktəbi açılıb 22 Sentyabr 2020, 10:32 Daşkəsənin iki böyük metallurgiya müəssisəsi yeni inkişaf dövrünə başlayır 22 Sentyabr 2020, 10:27 Qanunsuz balıq ovlayan şəxs cəzalandırıldı 22 Sentyabr 2020, 10:22 “Alınan mallar geri qaytarılmır” yazanlar 900 manatadək CƏRİMƏLƏNƏCƏK 22 Sentyabr 2020, 10:16 “Məmmədoğulları” şirkəti 2 min manat cərimələndi 22 Sentyabr 2020, 10:10 Xaçmazda meyvə tingləri yandı 22 Sentyabr 2020, 10:05 Metrodakı “maska insidenti” ilə bağlı məhkəmə başladı 22 Sentyabr 2020, 10:00 Dollar günə bu məzənnə ilə BAŞLADI 22 Sentyabr 2020, 09:54 Tarixçi alim: “... hər kəs buna birmənalı olaraq etiraz etməlidir” 22 Sentyabr 2020, 09:50 İctimai nəqliyyata qoyulan şənbə-bazar məhdudiyyəti götürüləcək? - AÇIQLAMA 22 Sentyabr 2020, 09:45 Yollardakı tıxacların SƏBƏBİ nasaz avtomobillərdir - BNA 22 Sentyabr 2020, 09:40 Bu gün Azərbaycanda təbiət hadisəsi baş verəcək 22 Sentyabr 2020, 09:35 Bu xəstəliyə yoluxanların COVID-19-a qarşı İMMUNİTETİ var 22 Sentyabr 2020, 09:30 Müdafiə Nazirliyi cəbhəki vəziyyətlə bağlı məlumat yaydı 22 Sentyabr 2020, 09:25 Rəqibi Trampı sərt tənqid etdi: “O vəlvələyə düşdü” 22 Sentyabr 2020, 09:20 UNEC brendi 10 ölkədə tanındı 22 Sentyabr 2020, 09:14 Şəhid komandirin xanımı oğlunu belə təbrik etdi: “Sənin yaşıdların Şəhid olur” 22 Sentyabr 2020, 09:08 Xırdalanda su olmayacaq 22 Sentyabr 2020, 09:04 Koronavirus qurbanlarının xatirəsinə abidə ucaldıldı - FOTO 22 Sentyabr 2020, 09:00 Dinlənilməsi mümkün olmayan mobil telefonlar var 22 Sentyabr 2020, 08:57 Türkiyənin yeni teleradio qülləsi fəaliyyətə başlayıb 22 Sentyabr 2020, 08:52 Xarici İşlər Nazirliyindən MODERN.AZ əməkdaşına təşəkkür 22 Sentyabr 2020, 08:51 Distant təhsil: problemlər və reallıqlar 22 Sentyabr 2020, 08:49 Çempionlar Liqasında pley-off oyunları başlayır 22 Sentyabr 2020, 08:43 Üzümün təhlükələri AÇIQLANDI 22 Sentyabr 2020, 08:25 Suares “Barselona”dan gedir 22 Sentyabr 2020, 00:52 İran ABŞ-la məhbusların dəyişdirilməsinə hazırdır 22 Sentyabr 2020, 00:46 Paşinyanın yeni müharibə planı - Beynəlxalq ekspertlərin rəyləri 22 Sentyabr 2020, 00:29