Türkiyədə son sutka ərzində daha 74 nəfər koronavirusdan ölüb.
Modern.az xəbər verir ki, bu barədə ölkənin səhiyyə naziri Fəxrəddin Qoca məlumat verib.
Nazir bildirib ki, bununla da ölkədə koronavirusdan ölənlərin ümumi sayı 7 785 nəfərə çatıb:
"Bu gün ölkədə koronavirus testindən keçən 113 317 nəfərdən 1 721-nin cavabı pozitiv çıxıb. Bununla da ölkədə koronavirusa yoluxanların sayı 309 790 nəfərə çatıb.
Müalicə olunan 1 241 xəstə isə bu gün evə buraxılıb. Bununla da koronavirusdan sağalanların ümumi sayı 271964 nəfər təşkil edir".
