Millətlər Liqasının V turunda keçiriləcək Azərbaycan - Monteneqro oyununun yeri müəyyənləşib.
Modern.az-ın məlumatına görə, görüş Xorvatiyada baş tutacaq.
UEFA noyabrın 14-dəki matçın Zaqrebdəki "Maksimir" stadionunda keçirilməsini qərara alıb. Qarşılaşma Bakı vaxtı ilə 21:00-da start götürəcək.
Qeyd edək ki, Azərbaycan millisi hərbi vəziyyətlə əlaqədar olaraq ev oyunlarını alternativ ölkədə keçirir. Canni de Byazinin yetirmələri oktyabrın 13-də Kiprlə ev matçını (0:0) Albaniyanın Elbasan şəhərində keçirib.
