Koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə ölkə ərazisində tətbiq olunmuş xüsusi karantin rejimi ilə əlaqədar Binəqədi Rayon İcra Hakimiyyətinin təşkilatçılığı ilə, Nazirlər Kabineti yanında Operativ Qərargahın tələb və tövsiyələrinin yerlərdə icrasına nəzarət davam etdirilir.
Modern.az xəbər verir ki, əhalinin maarifləndirilməsi, pandemiya dövründə rayon ərazisində müvafiq strukturların və xidmət sahələrinin fəaliyyətinə, zəruri sosial davranış və sanitar-epidemioloji qaydalara uyğunluğunu yoxlamaq məqsədilə Binəqədi Rayon İcra Hakimiyyətinin başçısı Elxan Allahverdiyev, Bakı Şəhər İcra Hakimiyyətinin məsul əməkdaşları, Binəqədi Rayon Polis İdarəsi və Binəqədi rayonunda yaradılmış mobil işçi qrupları ilə birgə reydlər keçirirlər.
