“Metropolitendə mobil telefon və s. elektron vasitələrdən istifadə etməklə gediş haqqının ödənişinin tətbiqi istiqamətində işlər aparılır. Lakin konkret olaraq hansısa sistemin və ya üsulun tətbiqindən söz açmaq tezdir”.

Bunu Modern.az-ın sorğusuna cavab olaraq, “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov metropolitenin fəaliyyətinin bərpasından sonra sərnişinlərin gediş haqlarını QR-kod vasitəsilə həyata keçirəcəyinə dair məlumatlara münasibət bildirərkən deyib.

Qurum rəsmisinin sözlərinə görə, bununla bağlı hansısa əsaslı bir addım atılacağı təqdirdə ictimaiyyət məlumatlandırılacaq, hələlik yenilik yoxdur.