Modern.az

Çempionlar Liqasının finalı İstanbulda keçirilməyə bilər

Çempionlar Liqasının finalı İstanbulda keçirilməyə bilər

7 May 2021, 23:10

İngiltərə Futbol Assosiasiyası (FA) Avropa Futbol Assosiasiyaları Birliyi (UEFA) ilə Çempionlar Liqasının finalının Türkiyə əvəzinə İngiltərədə keçirilməsinin mümkünlüyünü müzakirə edir.

 

Modern.az xəbər verir ki, bunu İngiltərənin nəqliyyat naziri Qrant Şepps mətbuat konfransında deyib.

 

“İngiltərə Futbol Assosiasiyası bu mövzuda UEFA ilə danışıqlar aparır. Finalın qəbul edilməsinə qətiyyən qarşı deyilik, amma təbii ki, son qərarı UEFA verəcək. İki ingilis klubunun finala çıxdığını nəzərə alsaq, nə deyəcəklərini gözləyirik”-deyə, o bildirib.

 

Qeyd edək ki, Böyük Britaniya Türkiyəni səyahət edilməsi qadağan olunan ölkələrin qırmızı siyahısına daxil edib. Belə ki, Türkiyəyə səfər edənlər ölkəyə geri qayıtdıqdan sonra 10 gün ərzində öz hesablarına hosteldə qalmalıdırlar.

 

Xatırladaq ki, Çempionlar Liqasının final görüşündə “Mançester Siti” və “Çelsi” furbol klubları qarşılaşacaq. Final qarşılaşması 29 mayda, Türkiyənin İstanbul şəhərindəki Atatürk Olimpiya Stadionuda baş tutacaq.

Twitter
Sizə yeni tvit var
Keçid et
Rusiyada ağır döyüşlər: Ukrayna partizanları əraziləri bombalayır