Modern.az

Bakıdakı Dünya Kubokunda ikinci günə start verildi

Bakıdakı Dünya Kubokunda ikinci günə start verildi

Aktual

8 May 2021, 11:06

Bakıda Milli Gimnastika Arenasında keçirilən bədii gimnastika üzrə Dünya Kubokunda ikinci yarış gününə start verilib.

 

Modern.az-ın məlumatına görə, idmançılar hazırda gürz və lentlə hərəkətlərdə qüvvələrini sınayırlar.

 

Azərbaycan təmsilçilərindən Zöhrə Ağamirova saat 14:15-də, Arzu Cəlilova isə saat 14:21-də çıxış edəcək.

 

Saat 18:00-dan isə qrup hərəkətləri proqramında 3 halqa və 2 cüt gürzlə təsnifat yarışı başlayacaq. Azərbaycanı Ləman Əlimuradova, Zeynəb Hümmətova, Yelizaveta Luzan, Məryəm Səfərova, Darya Sorokina və Güllü Ağalarzadə təmsil edəcək.

 

Qeyd edək ki, Dünya Kubokunda 35 ölkədən 61-i fərdi və 106-sı qrup komandasının (18 qrup) üzvü olmaqla, ümumilikdə 167 gimnast iştirak edir. Azərbaycan yığması yarışın ilk günündə 5 topla hərəkətlərdə 43 xal toplayıb və finala vəsiqə qazanıb.

 

Həm fərdi, həm də komanda yarışlarında finallar mayın 9-da olacaq.

Telegram
Hadisələri anında izləyin!
Keçid et
Ukraynadan Rusiyaya ardıcıl zərbələr: Vəziyyət kritikdir