Modern.az

Belçika 1/8 finalda

Belçika 1/8 finalda

17 İyun 2021, 21:54

AVRO-2020-nin qrup mərhələsi davam edir.

 

Modern.az xəbər verir ki, bu gün daha bir qrupda II tura yekun vurulub.

 

Bir matçı dünən baş tutan B qrupunda Danimarka və Belçika üz-üzə gəlib. Görüş Kopenhagendə baş tutub.

İlk turda uduzan meydan sahibləri 99-cu saniyədə Yussuf Poulsenin qolu ilə hesabda önə keçib. FİFA reytinqinin birincisi olan Belçika yalnız fasilədən sonra oyunda dönüş yarada bilib.

 

Matça tam hazır olmayan ulduzları Kevin de Breyne, Aksel Vitsel və Eden Azarı da meydana buraxan Roberto Martines bunun bəhrəsini görüb. Kevin öncə Torqan Azara məhsuldar ötürmə verib, ardınca özü komandasını önə çıxarıb.

 

Bu qələbə Belçikanı 1/8 finala daşıyıb. Martinesin yetirmələri İtaliyadan sonra qrupdan çıxan ikinci komanda olub. Düzdür, nəzəri cəhətdən 6 xala malik belçikalıların ilk iki yerdən birini tutmaması da mümkündür. Lakin qırmızılar ən pis halda qrup üçüncüləri arasında ən yaxşılar kimi 1/8 finala adlayacaq.

 

Qeyd edək ki, tutun bir gün əvvəl baş tutan matçında Rusiya Finlandiyanı 1:0 hesabı ilə məğlubiyyətə uğradıb.

 

AVRO-2020
II tur, 17 iyun
B qrupu
20:00. Danimarka – Belçika - 1:2
Qollar: 
Yussuf Poulsen, 2 - Torqan Azar, 55, Kevin de Breyne, 71
Baş hakim: Byorn Kuypers (Niderland)
Kopenhagen. “Parken” stadionu

Twitter
Sizə yeni tvit var
Keçid et
Son dəqiqə- Paşinyan Qazaxın Əskipara kəndinə gəldi