Bu gün işğaldan azad edilmiş Füzuli rayonu ərazisində aparılan axtarış işləri zamanı daha bir erməni əsgərin cəsədinin qalıqları tapılıb.
Modern.az Ermənistan KİV-nə istinadən xəbər verir ki, cəsəd əvvəlcə Xankəndinə aparılıb. Oradan isə şəxsiyyətini müəyyənləşdirmək üçün Ermənistana göndəriləcək.
Beləliklə, döyüş əməliyyatları bitdikdən sonra – 10 noyabr 2020-ci il tarixdən bəri Qarabağın Azərbaycanın nəzarətinə keçən ərazilərində 1660 erməni cəsədi tapılaraq Ermənistana təhvil verilib.
