Rusiyanın baş naziri Dmitri Medvedyev Gürcüstanın yeni höküməti ilə danışıqlara hazırdır. Modern.az xəbər verir ki, bu sözləri baş nazir “Kommsant” qəzetinə müsahibəsində deyib. “Biz Gürcüstanın yeni hökuməti ilə danışıqlara hazırıq. Amma ki, mövcud geosiyasi reallıqlar nəzərə alınmalıdır”.
Baş nazir qeyd edib ki, Gürcüstanın hazırkı prezidenti Mixail Saakaşviliylə eyni masada əyləşə bilməz: “Mən bir daha təkrar edirəm ki, Saakaşvili ilə bir masada əyləşə bilmərəm. O, müharibəni başlatmaqla, gürcü xalqına qarşı cinayət işlətdi və mülki vətəndaşların ölümünə səbəb oldu. Yeni baş nazir İvanişvili isə fərqli cəbhənin nümayəndəsidir. Biz onun real tədbirlər planını izləyəcəyik. İki ölkə arasındakı münasibətləri yenidən bərpa etmək üçün siyasi müstəvidə olmasa da, danışıqlara başlanılıb. Onu da xatırladım ki, diplomatik əlaqələri Rusiya yox, Gürcüstan tərəfi kəsib”.
