“Bu gündən etibarən Azərbaycan Dövlət İqtisad Universitetinin (ADİU) Qubada yerləşən Tədris, idman və istirahət kompleksində '“Təhsil üzrə Gənc Liderlər üçün Yay Məktəbi” başlayıb.
Modern.az xəbər verir ki, Yay Məktəbi Azərbaycan Respublikası Təhsil Nazirliyi, Mədəd Azərbaycan təşkilatı, ABŞ Təhsilli Azərbaycan Məzunları İctimai Birliyi, Müasir Təhsil və Tədrisə Yardım Mərkəzinin birgə təşkilatçılığı ilə keçirilir.
Təlimin əsas məqsədi təhsil sahəsində çalışan şəxslərin bilik və bacarıqlarının artırılmasıdır.
Təlim zamanı Təhsil Nazirliyinin və digər təşkilatlarının əməkdaşları müxtəlif mövzularda fikirlərini təlim iştirakçıları ilə bölüşəcəklər. Təhsil Nazirliyinin, Təhsilin keyfiyyətinin qiymətləndirilməsi sektorunun müdiri Emin Əmrullayev deyib ki, bu proqramın əsas məqsədi təhsilin keyfiyyətini artırmaqdır: “Hazırda Azərbaycanda 1200000-dən artıq şagird və 150000-dən çox müəllim var. Təhsil demək olar ki, hər bir insanın həyatında rol oynayır. “Azərbaycanda təhsilin inkişafına dair dövlət strategiyası” çərçivəsində belə təlimlər təşkil olunur”.
Qeyd edək ki, yay məktəbi sentyabrın 13-dək davam edəcək.
Rüfanə GÜNƏŞ
