İsveçin Trollhettan şəhərindəki orta məktəbə hücum edən kişi saxlanıldığı zaman aldığı güllə yarasından xəstənada ölüb. Modern.az xarici mediaya istinadən bildirir ki, 21 yaşlı gəncin hücumunun motivləri barədə məlumat verilmir.
Oktyabrın 22-də səhər qara geyimli, “Ulduz müharibəsi” filminin personajı Dart Veyderin maskasını taxan və əlində qılınc olan kişi təhsil müəssisəsinin kafesinə girərək bir neçə nəfərə hücum çəkib. Nəticədə müəllim oradaca ölüb, bir məktəbli isə xəstəxanada keçinib, daha ikisi yaralanıb. Məktəbin başqa ölkələrdən olanların yaşadığı rayonda yerləşdiyi bildirilir. İsveçdəki sosial şəbəkələrdə hücum edənin sağ ekstremist qruplaşma üzvü olduğu müzakirə edilir.Modern.az
