MDB ölkələri xarici işlər nazirləri Şurasının növbəti toplantısı çərçivəsində Moskvada səfərdə olan Ermənistanın xarici işlər naziri Edvard Nalbandyan rusiyalı həmkarı Sergey Lavrovla görüşüb. Modern.az Rusiya mətbuatına istinadən xəbər verir ki, görüşdə ikitərəfli əlaqələr, eləcə də bir sıra beynəlxalq və regional mövzular diqqətdə olub.
Ermənistan və Rusiya XİN başçıları Madrid təklifləri əsasında Dağlıq Qarabağ münaqişəsinin nizamlanması prosesinin yenilənmiş variantı ətrafında müzakirələr aparıblar. Nazirlər münaqişənin yalnız sülh yolu ilə həll olunmasına tərəfdar olduqlarını deyiblər.
