Muğlanın Datça rayonunda səs vermək üçün növbə gözləyən yaşlı adam, infarkt keçirməsi nəticəsində həyatını itirib. Modern.az-ın Türkiyə KİV-nə istinadən verdiyi xəbərə görə, Datça rayonunun Yazı məhəlləsində səs vermək məqsədilə gedən 70 yaşlı Mehmet Akgün növbə gözləməyə başlayıb. Bu zaman halı pisləşərək yerə yıxılan Akgün səsvermə məntəqisinin səlahiyyətliləri və vətəndaşların ilk müdaxiləsindən sonra avtomobillə xəstəxanaya aparılıb. Akgün həkimlərin bütün müdaxilələrinə baxmayaraq xilas edilə bilməyib.
Modern.az
