Respublika Baş Dövlət Yol Polisi İdarəsi sürücülərə müraciət edib. Bildirib ki, noyabrın 15-dən sürücülərə pərdə və plyonkadan istifadəyə verilmiş icazənin müddəti başa çatır.
Dövlət standartına görə nəqliyyat vasitələrində küləyə qarşı olmayan digər şüşələrin (arxadakı yan şüşələrin) işıq buraxma qabiliyyəti 70%-dən az olmamalıdır.
Həmin şüşələrdə sənaye üsulu ilə hazırlanan jalüzlərin istifadəsinə hər il 1 may tarixindən 15 noyabr tarixinədək icazə verilir.
Yol polisi xəbərdar edir ki, qaydalara əməl etməyən sürücülərə qarşı qanuni tədbir görüləcək.
