Naxçıvan Muxtar Respublikası Dövlət Vergi Xidməti və vergi orqanları strukturlarının əməkdaşlarına COVID-19 virusuna qarşı ikinci doza vaksin vurulub.
Modern.az xəbər verir ki, Dövlət Vergi Xidməti, eləcə də xidmətin Naxçıvan şəhərində və muxtar respublikanın rayonlarında fəaliyyət göstərən idarə və şöbələrinin 200-dən artıq əməkdaşı vaksinasiyaya cəlb edilib. Peyvəndləmədə təhlükəsizliyinə və effektivliyinə görə seçilən “Sinovac” vaksinindən istifadə edilib və heç bir narahatlıq müşahidə olunmayıb.
Qeyd edək ki, “Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası”na uyğun olaraq fevral ayından etibarən Naxçıvan Muxtar Respublikasında fəaliyyət göstərən mərkəzi icra hakimiyyəti orqanlarının, eləcə də digər təşkilat və qurumların əməkdaşlarının vaksinasiyası həyata keçirilir.
