“Bəzən yalançı iş elanları vasitəsilə müəyyən şəxslər insan alveri qurbanlarına çevrilmiş olur”.
Modern.az xəbər verir ki, bunu Milli Məclisin deputatı Azay Quliyev parlamentdə İnsan alverinə qarşı mübarizə üzrə Milli Koordinatorun illik məlumatın müzakirəsi zamanı çıxışında deyib.
“Yalançı iş elanları çoxalıb. Daha sonra insanlar aldadılaraq şirnikləndirici iş adı ilə xarici aparılır. Bu məsələdə görüləcək işlər var. Eləcə də mənbənin araşdırılması və aşkarlanmasına ciddi ehtiyac var ki, vətəndaşlarımız bunların qurbanı olmasın”, - deyə deputat qeyd edib.
