Milli Məclisin deputatı Fazil Mustafa parlamentin bu gün keçirilən plenar iclasında hərbçilərin ailə vəziyyətinə toxunub.
Modern.az xəbər verir ki, Fazil Mustafa çıxışı zamanı sözünün Bakıda kabinetdən çıxmayan, kresloda oturan hərbçilərə aid olmadığını deyib.
“Dediyim kateqoriyadan olan hərbçilərin uşaqları və ailələri üçün infrastrukturu biz təmin etməliyik. Söhbət təkcə müavinət verilməsindən getmir. Sovet dövründə zabitlər, hərbçilər üçün belə infrastrukturlar var idi. Yəni bu uşaqların əqli, mədəni inkişafına nail olmalıyıq. Hərbçi ailələri, uşaqları üçün müavinətdən başqa yollar tapmalıyıq”
Deputat bundan sonra dünya ermənilərinə qalib gəlməli olduğumuzu da qeyd edib.
