"Mənə bildirdilər ki, Yeni ilə qədər qardaşım evə buraxılacaq. Yəni yeni ildə evdə olmalıdır".
Bunu Modern.az-a açıqlamasında erməni girovluğundan azad olunmuş Şahbaz Quliyevin bacısı İradə Quliyeva bildirib.
İ.Quliyeva qardaşı ilə bir neçə dəfə telefon vasitəsilə danışdığını deyib:
"Özünün dediyinə görə, səhhəti yaxşıdır, şikayəti yoxdur".
Xatırladaq ki, Azərbaycan, Rusiya və Ermənistan arasında bağlanan üçtərəfli bəyanata əsasən, dekabrın 14-də bir qrup azərbaycanlı əsir və giroluqdan azad edilib. Onlardan biri də Şahbaz Quliyevdir.
Onlar hazırda Bakıda karantin rejimində saxlanılırlar.
