Azərbaycan Dövlət İnformasiya Agentliyi (AZƏRTAC) 2019-cu ili 15,136 milyon manat mənfəətlə başa vurub.
Modern.az xəbər verir ki, bu, 2018-ci illə müqayisədə 46,6% çoxdur.
2020-ci il yanvarın 1-nə AZƏRTAC-ın aktivləri və balans kapitalı 15,808 milyon manat olub ki, bu da 1 il əvvələ nisbətən müvafiq olaraq 68,9% və 69,1% çoxdur. Hesabat dövründə qurumun öhdəlikləri 100% azalıb.
Xatırladaq ki, AZƏRTAC 1920-ci ildən fəaliyyət göstərir, yerli və xarici KİV-lər üçün rəsmi dövlət informasiyasının yeganə mənbəyidir.
