Dünyanın ən populyar kriptovalyutası olan bitkoinin qiyməti 32 min dolları keçib.
Modern.az xəbər verir ki, bitkoinin dəyəri saat 20:13-də 9,8 faiz bahalaşaraq 32 054 dollar təşkil edib.
Beləliklə, bitkoinin qiyməti 32 min dolları keçməklə bu gün artıq üçüncü dəfə tarixi rekordu yeniləyib.
18:36
Bu gün dünyanın ən populyar kriptovalyutası sayılan bitkoinin qiyməti 4% artaraq 31 min ABŞ dollarını ötüb.
Modern.az RİA“Novosti”yə istinadən xəbər verir ki, 20-dən çox birja üzrə orta qiyməti hesablayan “CoinMarketCap” portalının məlumatına görə, bitkoin 4,17% bahalaşaraq 30 834 ABŞ dollarına, ən böyük kriptovalyuta birjası olan “Binance”da isə 4,80% dəyər qazanaraq 30 880 ABŞ dollarına yüksəlib.
Daha sonra bitkoinin qiyməti 31 min ABŞ dollar səviyyəsini aşıb və bütün zamanların ən yüksək səviyyəsinə - 31 180 ABŞ dollarına çatıb.
Bitkoin ümumi qlobal kriptovalyuta bazarının, təxminən, 71,1%-ni təşkil edir.
