ABŞ-da naməlum şəxslər Nümayəndələr Palatasının spikeri Nensi Pelosinin evinin divarlarına qraffiti çəkiblər və şüarlar yazıblar.
Modern.az xarici mətbuata istinadla xəbər verir ki, söhbət xanım siyasətçinin Konqresdə təmsil etdiyi Kaliforniyanın San-Fransisko şəhərindəki evindən gedir.
Qaraj qapısındakı yazılar arasında - “2K $” (2000 ABŞ dolları - Demokratların hər amerikalıya pandemiya fonunda yardım olaraq təklif etdiyi birdəfəlik ödəmə - Red) “2 min dollar”, “Kirayəni ləğv et!”, “Hamısını istəyirik!”, “Universal minimum gəlir” yazıları da var.
Evin kənarlarında anarxistlərin simvolu - bir dairədə "A" hərfi yazılıb.
Bundan başqa evin qarşısına kəsilmiş donuz başı atılıb və həyətə süni qan tökülüb.
