Argentinanın Baş naziri Santiaqo Kafiero bəyan edib ki, yeni növ koronavirus infeksiyasının yayılması ilə mübarizə üçün ölkədə komendant saatı tətbiq ediləcək.
Modern.az "RİA Novosti”yə istinadən xəbər verir ki, Baş nazir bütün qubernatorlarla gecə hərəkətinin qadağan edilməsi zərurəti barədə razılıq əldə edildiyini bildirib. Onun sözlərinə görə, tətbiq ediləcək digər qadağaların dəqiq siyahısı müəyyən edildikdən sonra ictimaiyyət üçün açıqlanacaq.
Qeyd edək ki, ölkədə koronavirusa yoluxan 1,6 milyon nəfərin 43 785-i vəfat edib.
