Avropa Parlamentinin vitse-prezidenti Heydi Hautala ABŞ Prezidenti Donald Trampın dünən Vaşinqtonda tərəfdarları qarşısında çıxışı zamanı ölkəsindəki son prezident seçkilərinin Ermənistanda keçirilən seçkilərlə müqayisə etməsinə reaksiya verib.
Modern.az-ın məlumatına görə, xanım vitse-prezident özünün tvitter hesabında yazıb:
"Bu gün Tramp seçkilərin oğurlana biləcəyi ölkələrdən danışarkən Ermənistana müraciət etdi. Məsəl dəhşətə gətirir, çünki 1999-cu ildə Ermənistanda terrorçular parlamentə hücum etdilər, baş naziri, parlament sədrini və 3 nəfəri öldürdülər, 150 nəfəri girov götürdülər".
Qeyd edək ki, 27 oktyabr 1999-cu ildə Nairi Hunanyanın başçılıq etdiyi 5 silahlı terrorçu Ermənistan parlamentinin iclas zalında baş nazir Vazgen Sarkisyan, parlamentin spikeri Karen Dəmirçyan, vitse-spiker Yuri Baxşyan, vitse-spiker Ruben Miroyan, təhsil naziri Leonard Petrosyan və deputatlar Henrik Abrahamyan, Armenak Armenakyan və Mixail Kotanyanı qətlə yetiriblər.
Daha 30 nəfər isə yaralanıb.
T.İSMAYIL
