Gəncədə piyadanın vurulması ilə nəticələnən yol qəzası baş verib.
Modern.az xəbər verir ki, hadisə şəhərin Şah İsmayıl Xətai prospektində qeydə alınıb. Hərəkətdə olan “BMW” markalı minik maşını yol keçmək istəyən orta yaşlı kişini vurub.
Dərhal piyada xəstəxanaya yerləşdirilib, vəziyyətinin orta-ağır olduğu bildirilir. Hadisə yerinə hüquq mühafizə orqanların əməkdaşları cəlb olunub.
Faktla bağlı araşdırma aparılır (apa).
