"Twitter" sosial şəbəkəsi ABŞ-ın hazırkı prezidenti Donald Trampın hesabının bağlanması ilə əlaqədar digər hesablardan yazmaq cəhdlərinin qarşısını alacaq.
Modern.az-ın məlumatına görə, bu barədə "Twitter"in bəyanatında deyilir.
Bununla belə, D.Trampın istifadə edə biləcəyi ABŞ prezidentinin rəsmi hesabı (@POTUS) və Ağ Evin rəsmi hesabı (@WhiteHouse) rəsmi hesabı bağlanmayacaq. Amma bu hesablara müvəqqəti məhdudiyyətin tətbiq olunacağı deyilib.
Qeyd edək ki, "Twitter" sosial şəbəkəsinin rəhbərliyi şiddətə səbəb ola biləcəyindən narahat olduğu üçün ABŞ-ın hazırkı prezidenti Donald Trampın şəxsi hesabına girişi daimi əsasda bağlayıb.
