Yanvarın 9-da İranda daha 5 min 924 nəfər koronavirusa (COVİD-19) yoluxub, 82 nəfər isə bu virusdan ölüb.
Modern.az xəbər verir ki, bunu İran Səhiyyə Nazirliyinin mətbuat katibi Sima Səadət Lari Tehranda keçirdiyi gündəlik mətbuat konfransında deyib.
Onun sözlərinə görə, bununla da İranda yoluxanların ümumi sayı 1 milyon 280 min 438, ölənlərin sayı isə 56 min 100 nəfərə çatıb.
Virusa yoluxaraq xüsusi xəstəxanalarda müalicə alan 4 min 686 xəstənin vəziyyəti ağır olaraq qalır. Eyni zamanda, 1 milyon 67 min 466 nəfər müalicə alaraq sağalıb.
Qeyd edək ki, İranın Ali Rəhbəri xaricdə istehsal olunan peyvəndlərin ölkəyə gətirilməsi və testdən keçirilməsini qadağan edib. İranda yalnız milli istehsal olan peyvəndlərdən istifadə olunacaq.
